صيفنا شحلاته بالكويت ؟؟؟ ( من صجه هذا !!! صاحي والا مجنون؟)
ادري بتقولون لي شلون ؟؟؟
انا اتكلم على شوارعنا في فترة الصيف
وبالذات فترة الذهاب الى الدوامات
كلها ثلث ساعة أو أقل واحنا الواصلين الى مقرات دواماتنا في الديرة
بس اذا رجعنا الى موسم المدارس ........ اللهم يا كافي
كل انواع الغضب تحوشكم ،،، هذا اذا ماضرب عندكم عرق ( الله يحفظكم )
او يرتفع الضغط عندك وخلافه
يعني ربعنا من ايام مسرحية سعد الفرج وخالد النفيسي اللي يتكلمون فيها عن مدينة الكويت في المستقبل
اللي يقول تشيل بشتك تحت ابطك تركب قطارك .... الى اخر المسرحية الرائعة
يعني الحكومة مو عارفة تمد مترو الانفاق تحت الديرة
( انا متأكد انهم يعرفون بس اللي موعارفينه شلون يقسمون الكيكة )
مصر اللي هي مصر ( مع احترامي لها ولاهلها ... حبايبنا كلهم ) عندهم مترو الانفاق من ايام الابيض والاسود
طيب بما انهم هم اللي خططولنا ديرتنا وحطولنا القوانين ليش ما اقترحوا مترو انفاق أو قطارات حقنا مثل ديرتهم من تلك الفترة
اخ بس لو مظبطينا فيهم من زمان ....... كان عشنا طفولة غير طفولتنا اللي عشناها :)
المهم
عساهم بس يبدون بفكرة القطارات خلونا نتطور من ناحية المواصلات شوي
ونحل مشاكل زحمتنا اللي صارت طول السنة ما عدا الصيف زحمة ( صبح ظهر عصر مغرب عشاء ..... في وقت ثاني بعد !!!
شفوا جيراننا في دبي ماشاء الله عليهم
شغالين ليل نهار مدن جديدة ، قطارات ، منافسة مع العالم في كل مجال
الشيخ محمد بن راشد يرغب بجعل دبي وجهة عالمية
يشار لها بالبنان ==> حلوة بالبنان
اتمنى من ربعنا انهم يتعظون من جيراننا ، اللي بلشوا من حيث وقفت الكويت في فترة اوجها
وطافونا بمراحل ومراحل شاسعة بعد
بالنهاية الله يعيننا ويسهل علينا ونقترب من دبي في مظاهرها الحضارية مو نصير نفسهم لأن هذا من سابع المستحيلات على الكويت بس نتمنى ان نقترب منهم بس
,,, تحياتي
هناك تعليق واحد:
ههههههه اي والله صدقت
بس الحمدالله ان دوامي قريب يمي، ايام دوامات ومدارس وعطلة كله ماكو ازدحااام
جان زين يسوون قطار انفاق عشان يتعدل الحال بس لا حياة لمن تنادي احنا كله اخر الناس
إرسال تعليق