صباحووو
أكيد عرفتوا عن شنو موضوعي اليوم ما يحتاي
طلعوا بعطلة نهاية الاسبوع الى المارينا و الافينيو
وشوفو اشكال الشباب والبنات
وببدأ بالشباب
إذا كان شكل الصورة اللي فوق غلط فشبابنا بالمقارنة معاه يخلون الصورة عادية
اللي مسوي لي جزيرة فوق راسه ، واللي مسويلي قنفذ تخاف تقرب منه يغزك، واللي مسويلي عفسه ماتدري شعره رايح وين :)
وبحكم اني اروح صالون الحلاقة للحلاقة ،،،
فاني اشوف الشباب يروحون هناك لأعمال اخرى مع شعرهم
فاني اشوف الشباب يروحون هناك لأعمال اخرى مع شعرهم
وفوق هذا وذاك يروحون بشكل يومي اكثر من الحريم
ودي اعرف شلون يدخل هالشاب بيتهم ، وين اهله عنه ؟؟؟
إذا اهله ما يدرون عنه وهايتين اكثر منه فهذه مصيبة !!!! ، بس إذا كان بعلم الأهل فهذه أم المصائب ولاحول ولاقوة الا بالله
ننتقل الى الجنس الناعم
والى حجابات اخر زمن
وابدأ في اللبس و اللي مابقى قطعة لحم في الجسم ما طمرت برة الملابس بسبب ضيق الملابس
شلون لبست الملابس ؟؟؟ وشلون الملابس مستحملة هالضيق ..... بيني وبينكم ،،، مابي اعرف
تصدقون يا جماعة بعض الغير متحجبات ملابسهم استر من المتحجبات
هذا غير المبرقعات واللعب اللي صاير بالمنطقة المكشوفة من الوجه
يعني واضح للعيان انها تبرقعت عشان عادات وتقاليد مو عشان الدين ومطلعة حرتها بهالفتحة خخخخخخ الله يهديهم بس
أما اذا انتقلنا الى البنات السافرات
والى لبسهن هذه الايام
وكأنهن رايحين على عرس مو الى مجمع تجاري
الميك اب فووول على الأخر
واذا تحرش فيهم الشباب قالوا مو متربين ، طيب تحشموا والتحرش بيخف عنكم ياجماعة
هذا غير اللي مطلعين كراعينهم( ركبهم الجلحة) ،،،يعني موضة
بس ماني مكثر لأن الموضوع رفع ضغطي صراحة
أشوفكم على خير
,,,,, تحياتي
هناك ٤ تعليقات:
عجبني بو تفخة اللي في الكاريكاتير هههههه
ما فيه منه ميدالية ؟
يا هلا وغلا اخ ولد الكويت
للاسف الميداليات خلصوا من السوق
تدري الطلب حامي عليهم هاليومين :)
على طاري التفخة
ابشرك بينزلون فيلم Jurassic Park 4
ومن ضمن الديناصورات بناتنا امهات التتفخ :)( مالاحظت وجه الشبه بينهم )
تقبل تحياتي
والله انا بنيه بس ما احب احط حجابي جذي
استغرب هالبنات ماعندهم اهل
والله ايفشلون جنهم يايين من الفضاء
وكل ما كبرت صارت احلي
والله جرب يوم القيامه الله يستر
يا هلا اختي
الله يكثر من امثالك
صدقتي بكلامك والله
ما نقول غيرالله يهديهم
تحياتي
إرسال تعليق