بما ان رمضان قرب
واحنا في شهر شعبان وبالمناسبة فشهر شعبان يغفل عنه المسلمون لأن الرسول صلى الله عليه وسلم
كان يصوم اغلب ايام هالشهر فحبيت اذكركم واذكر نفسي بفضل هذه الشهور الكريمة
انتقل الى موضوعي وهو أخطاء بعض المصلين ( ولاعيب في الخطأ إن تعلم الانسان منه مهما كان عمره)
في بعض الناس الله يهديهم مااكتشفوا المساجد الا في شهر رمضان فعندما نذهب الى المسجد في اول ايام الشهر نرى ونستبشر بالتزامها وحضورهم خلال الشهر الكريم
ولكن للاسف الشديد ما أن يمضي اسبوع من الشهر حتى تتلاشى هذه الوجوه شيئا فشيئا
فنجد انفسنا عدنا لمرحلة البداية
أرغب في التركيز على اخطاء بعض المصلين وهي تكون غالبيتها من الزوار حديثي العهد في المساجد
واكرر مرة ثانية بانه لا عيب في التعلم من هذه الاخطاء فبالنهاية كلنا نرغب في الصلاة كما يحب رب العالمين و رسول الله محمد صلى الله عليه وسلم
مثل ما تلاحظون بالصورة اللي تحت
وعندما يبدا سطر جديد بالصلاة بعض الناس تلاقيهم مستلمين أقصى يمين المسجد
ولكن المفروض ان يتوسط خلف امام المسجد
في شباب ايضا ما يحلاله الا وقت الصلاة في التشييك على نفسه
وتنظيف نفسه من بعض بقايا خام على ملابسه او بعض البقع المرق ( بعد ما يكون تغدا مجبوس دجاج وتلاقونه مكثر الدقوس حبيتين ههههههه )
هذي الحالة صادفتني اكثر من مرة خاصة من الصغار بالسن او المراهقين
وهي عدم ثبات اطراف السجود على الارض وتلاقون ريوله بصوب
وايده مسكرها تقولون عنده مباراة ملاكمة بعد الصلاة
أو يحط اطراف اصابعه على الارض وكانه يستعد لركض سباق 200 متر سرعة خخخخخخ
والصحيح وضعها كاملة على الارض وجميع الاصابع باتجاه القبلة وكذلك القدمين واصابعها
انتقل معاكم الى وضعية الركوع
صراحة يرفعون ضغطي اللي ما يضبطون الركوع
يعني المفروض الواحد يكون زاوية قائمة لمن يقدر طبعا واستثني من لايستطيع بسبب مرض في ظهره
تلاقون الكل راكع بنفس المستوى وطامر لنا واحد مو راكع عدل
اذكر مرة واحد شايب مايقدر يركع ماخذ ولده معاه المسجد
وولده قدوته ابوه بكل تاكيد
تلاقون الاب يركع ركوع على قدر استطاعته
والشاب اللطيف ولده مسوي نفس الشي فاذا شفتوه اتحداكم تقولون هذا راكع
بتقولون قاعد يطق رقبته عرج .....
انتقل الى الموبايلات
وخاصة اللي يخلي الرنة تقرقع طول وقت الصلاة
خايف يتحرك تبطل عليه الصلاة
مايدري المسكين ان ذنب اذية كل المصلين اللي معاه برقبته
حطه سايلنت وفكنا من القصة او لا تدخله المسجد وبس
اترك البقية في الجزء الثاني
واشوفكم على خير
تحياتي
كاريكاتيرات تعكس الواقع فعلا
أشكر موقع عمرو خالد على الفوائد الكبيرة اللي يقدمها للجميع
أشكر موقع عمرو خالد على الفوائد الكبيرة اللي يقدمها للجميع
هناك ١٠ تعليقات:
لوووووووول
والله حاله .. بس تدري زين يمعود يروحون يصلون خل يغلطون ما عليه يتعلمون
بس اهم شي لا يقطعوون
وسالفة الي يخلي رنته شغاله هذا حده ما يستحي .. ولا يعرف قيمة المكان اللي اهو في
ثانكيووو ساخر
:))
جزاك الله خير
حلوة التوعية
:)
الاخت العزيزة why me
صدقتي في ان اهم شئ انهم ما يقطعون
والتعلم من الخطأ لا خطأ ولا عيب فيه
اما بالنسبة الى اصحاب التلفونات
فوزارة الاوقاف مشكورة كاتبة بجميع اللغات الرجاء اغلاق الهاتف وقت الصلاة
اقدر اقول بان الفترة الاخيرة، الكثير من الناس يتعامل مع اغلاق الهاتف بطريقة حضارية
ولكن يبقى الكثيرين يتجاهلونها
الله يهديهم
شكرا لحضورك المميز دائما
تحياتي
يا هلا ومرحبا يا الزين
حياج الله
حاضرين للطيبين
انتظري منا الجزء الثاني
شكرا على مرورك الكريم وترك بصمة في مدونتي المتواضعة
تحياتي
ان شاء الله يستوعبون
ياخوي وضعية الركوع عند البعض اهي و السجود
لازم يعرض ايدينه
و المشكله كل واحد يقولك ان من الاقوال و الاحاديث و السنة
مرات اغير المسجد بسبب المصلين و الله
و عساك على القوة
مشكور ما قصرت خوش بوست
سالفة التلفون وقت الصلاة
تلقى انت مندمج مع الصلاة ورايح وتسمع وراك حسين الجسمي يغني ولا الأخ الكريم تلفونه قاعد يرن وما يبي يتحرك علشان ما تبطل صلاته
انزين انا شنو ذنبي قاعد اسمع الغنيه
ساخر يا خوي انا مسويلك tag
ادخل البلوق عندي وشوف الطريقه وضروري تسويه :) ترا حلو وخوش شي
يا هلا ومرحبا اخ خالد شرفت المدونة
ومثل ما ذكرت فان بعض المصلين يصرون على افعالهم
ولا تقدر تتفاهم معاهم
لأن عنده قناعة خاصة فيه
ولا يقبل يغيرها
ما نقول غير الله يهديهم
تحياتي
اهلين دوكاتي
حسين الجسمي يهون عن اللي يحط رقص شرقي خخخخخخخخخخ
تحياتي يا الغالي
هلا دوكاتي مرة ثانية
مشكور وما قصرت يا الغالي
هيا بنا الى مدونتك
إرسال تعليق