ماادري شفيه حلاقي
كل ما اروح له يقولي شرايك اسويلك تنظيف بشرة
ذبحني
وانا اعتذر منه ... بس الاخ يحن بطريقة بايخة المشكلة اخاف أعطيه كلمتين بالعظم
واعصب عليه فيخوره واهوا يقص شعري خخخخخخخخخ
الظاهر ان صاحب المحل معطيهم target والاخ دايما مو قادر يحققه
واحنا بالنهاية ناكلها يا الزباين
بيني وبينكم اول مرة اتعرف عليه احرجني لدرجة اني قلتله يالله توكل على الله
اعملي تنظيف بشرة ..... طبعا لاعت شبدي وحرقلي ويهي من الفراك خخخخخخخخخ (خو احنا يا الرياييل مافينا صبر حق هالسوالف مو مثل الجنس اللطيف :) )
ومن يومها دايما أدقره بطريقة مهذبة ( مرة مستعيل ،،، مرة عندي موعد،،، مرة بلحق على الصلاة ،،، مرة اقوله المرة الياية .... وهلم جرة )
اذا عندكم قصص مع الصالون اللي تحلقون عنده
شاركونا فيها
تحياتي
.
هناك ٢٢ تعليقًا:
والله نفس الحاله ياخوي لا والمشكله وين
ان لما اييك يقوللك اخخخ افف ليش جذي انت تخترع اهني اتقوله شنو في
يقولك بشرتك تعبانه وايد شوف مبين عليها لا يبيلك تنظيف بشره
لوول يعني يبي يقنعك طبعا هالشغله كل ما اروح لازم يقول وانا ودي اقوله حلق وانت ساكت بس هم فشله
فكل يوم عذر لما طلعتله بعذر خلاه بعد ما يقولي
قتله انا اراجع عند عيادة جلديه والدكتور مانعني من اي شي من هالسوالف :)
لوووووووووووووووووووووووووول ..
اهم شي ان حتى الرياييل تنظيف بشره ماكو شغل ;q
انا الحمدلله والشكر دفشه بأمريكا بوسط المجمع كل واحد وطاولته هذاك يعل جبدي يلحقني يتكلم عربي مكسر يبي يسوي تنظيف بشره على قولته بالطين مال البحر الميت جان اشكره اقول له انت شايف شكله اشلوون يلوع الجبد ؟؟ لا وفوق هذا الشركه والي يبيع كلهم اسرائيليين فمن امه جعمته ..
والا ذيك الي لاحقتني انا وامي تبي تسويلنا مساج !! يا حلاتني انا وأميمتي متسدحين بنص السوق عشان المساج :\
والا عاد مره بالبوتاميك ميلز يسوون تبيض أسنان بالليزر بوسط المووول وينشب فينا لان بفلوس طبعا فقلت له لحظه أسأل الي قاعد يسوي يعور والا لا ؟
فقالي ما يصير يتكلم إلا لما يخلص العلاج قلت له عيل أنطره يخلص وأسأله فضحك وقالي طبعا يعور بس النتيجه اوكي قلت له عيل ما تشوف شر إنسى ..
هذا اشفيه حاط دوبه ودوبك :)
لووووووووووول اسمع هالسالفه وبتموت عليها ضحك
كنت احلق عند واحد مصري وتعرف سوالفهم منو مسوي جذي ومنو مخرب راسك ومن هالحجي علشان اصير زبونه
لوووووووول على يوم من الايام جان يقولي لأ لأ لأ شنو هذا ليش جذي منو الحمار الي حالق لك آخر مره
خو انا على طول بويه آخر مره حلقت عندك
لوووووووووووول تعال اسمع الضحك بالصالون العموم يضحك عليه واهو ويهه يقط الوان لا مو انا ومادري شنو لووووووول موقف لايحسد عليه :>
عذر ديكاتي وايد حلو و مقنع =)))
انا و الله فيني طبع مو حلو اروح حق شي واحد اطلع باكثر من شي
يعني مثلا بروح استشور شعري و اطلع
ما احس ان لا شعورينا صيغت و قصيت و استشورت و بدي كير و منيكير و بلاوي
فعمري ما حسيت بحنة احد من الموظفين لان انا فيني هالشغله غرامي هالسوالف
و انت بين الفتره و الثانيه سو تنظيف بشره تر وناسه و تحس بشرتك فرش جونا حيل يتعب البشره الشغله هذي مو بس حق الحريم حتى الرياييل حلو ان الريال يهتم بادق الامور =))))
و بوستك حده اينن ميرسي =)
هههههه يا كره هالحنانيين
والله تنبط جبدي من اللي يحن عليك انك تسوي شغلة وانت ماتبي، ياخي مو غصب!!!
انا هالشغلات تصيرلي لما اروح جمعية عند مال الكريمات والتجميل والغسول عاد تييك المصرية بشرتج تعبانه وايد ولا تقولك تحت عيونك اسود وايد وانت اصلا مافي ويهك شي وتقولك لازم تستعملين هذا وهذا وان هذا راح يفيد بشرتك ومن هالخرابيط وانا اقولهم لا مشكورة عندي منه ولا امس شاريته ولا هذا مانفع معاي اعذاااار وايد وماتخلص منهم
لووووووووووووووووووووووول
كسرت خاطري
قول له لا تسالني عن تنظيف البشرة مرة ثانيه (:
وثاني مرة ان قالك قوله: ياه اشقلتلك انا وطبعاً بإبتسامة
دوكاتي عذرك حلو
معاذ حركتك حلوة (((:
لووووول
انا متعود اروح للحلاق الهندي عندنا بالجمعية, يقص شعري عالسريع واعطيه المقسوم واطلع
تنضيف بشرة ومدري ايش احس انه حق الحريم
الله وكيلك حتى الموس ما اخليه يقربه صوبي لما يبي يحدد لي الزلف او مؤخرة راسي
بروحي اروح البيت واحدد
وسواسي
P:
دوكاتي
صح صح صح
لازم يعطيك شوية دراما هههههههههههه
عذرك عجبني
تحياتي
اهلين بنت الكويت
مع الفلوس ما يعرفون شئ اسمه حنه
لازم يسحبون كل فلس يكون عند الناس
عجبتني سالفة المساج بنص المول خخخخخخخخ
وين الراحة وين الاستجمام بنص المول
مواقف حلوة كثري منها :)
تحياتي
قوقعه
اهلين
شسوي بعد ،،
نطري علي المرة الياية
ماراح يكون فيه لادوب ولادوبك
معاااااااذ
فطستني من الضحك
خوش موقف صراحة افحمته بالرد
زين تسوي فيه عشان لا يتفلسف على راسك مرة ثانية
تحياتي
برونزية
طلعتي مهووسة سوق وشراء هههههههه
وتحاولين تقنعيني بعد هههههه
بيني وبينك ما اختلف معاج ان جو الكويت وايد ممتاز للبشرة خخخخ
بس مثل ما قلتلج مالنا مقاقة احنا على هالسوالف
ولكن نزولا عند رغبة الجمهور بروح مرة كل سنتين خخخخخخ
تحياتي
أهلين شمحووطة
هالبياعين يحسسونج ان بشرتك بشرة ضب من كثر الاهمال خخخخخخخخ
بس عذر عندي منه دايما يحبط محاولاتهم :)
تحياتي
why me
أهلين وين الناس
بيني وبينك
ردودك اهي اللي تكسر الخاطر
ترى الاحرف ببلاش وما تكلف حبر
ههههههههه
تحياتي يا سمر
يعقوبووو
شرايك بعد اكفخه بالمسند اللي يقعدون عليه اليهال
واطلب كفيله واسفره خخخخخخخخخ
بيني وبينك ردك احسن رد على الحلاق ولشخصيته الحنة
مشكور وتحياتي
حمود راعي السيكل
انا قبل كنت نفسك
بس من كثر ما الحلاقين الهنود اللي في الجمعية نفسهم خايسة ولايعة جبدهم
وزهقانين عيشتهم من الشغل
ولما يحط ايده على راسك يلعب فيك لعب تقول كرة سلة
مرة حاذفها يمين ومرة حاذفها يسار
فقلت لنفسي اروح عند واحد هوايته الحلاقة احسن من واحد مغصوب عليها
الوسوسة زينة مع الحلاقين لأن مكانهم خطر بس بالتعقيم بتكون بأمان باذن الله
تحياتي
الحلاق: شنو يبي انته ابدالله لهية شوارب
انا: اي لحية جايف انته فيه شي
الحلاق: مو مشكلة انته بعدين يطلع حق انته
انا: ايي ريض خير ان شاالله
انا من كثر ما اجوف الناس تشتكي من اللحية قمت اقول الحمدالله لي الحين ما عندي :P
تبي الفيلم صج
اذا استعبط
و اهو قاعد يحلق لك
يقولك
أممممم
شعرك دهني
نفس وجهك
خليني ( لاحظ خليني مو شرايك ) اسويلك تنظيف بشرة
ارد عليه مع نظرة على الجنب طرف عين
ليش شايفني وصخ و لازم نبرة الصوت تكون فيها اكش تلقائي
اتلاقيه راح يعتذر لك
و ها راح يحاتي اذا ما ضبط لك شعرك
عبادي ي ي
اهلين
الحمد لله ان ما عندك
واذا طلعتلك خلها ولا تشيلها صدقني اريح لك
اسأل مجرب :)
تحياتي
خاااااااالد
كيفووو
تصدق ان الحوار مع الحلاق عجبني
مافيها تاليف كثر ما فيها احراج له
ولفلسفته ههههههه
ميرسي عالفكرة
تحياتي
إرسال تعليق