تدرون ان المظلة الموجودة في القبة اللي بنص مارينا مول تلف وتغطي الشمس
وتعطي ظلال حسب الوقت
انا توقعت ان هذا هدفها من زمان
بس ماادري ليش عمري ما صادفتها تتحرك
فانهدمت الفكرة في بالي وقلت الظاهر انهم حاطينها ديكور
بس قبل كم يوم شفتها بأم عيني قاعد تلف فقلت اشارككم اكتشافي الخطير
تحياتي
ملاحظة: تلاحظون بالصورة مقر مارينا اف ام عبر الاثير:)
ليش ما احد يظبطنا معاهم لعمل مقابلة مع المدونيين
ترى خوش موضوع لهم
ملاحظة ثانية : عنوان الموضوع شنو كان يوحي لكم ؟؟؟
إذا كان يوحي عن الوضع الاجتماعي الاستعراضي في المول فيرجى تقديم طلب رسمي لي لكتابة هذا الموضوع :)
يقدم الطلب مع الرد على هذا الموضوع
ملاحظة ثالثة: ذاك اليوم اطل من دريشة البيت والا ذيج القطوة اللي توها والدة وقاعدة تسقي عيالها حليبة العصر
على فكرة عملية ولادتها تمت في مستشفى رويال حياة خخخخ لزوم الرزة بفريج العتاوية :)
تحياتي تربيع
هناك ٢١ تعليقًا:
حد علمي بالمارينا مول قبل سنتين
ما احبه و لا احب امر جنبه كلش
الا اذا الصبح بدري علشان الكائنات اللي هناك
بس اذا تبي مقابلة مع المارينا اف ام
مو مشكله اضبطها لك بس على شرط انت تتكلم فيها
شنو قلت
اكتب اكتب عنهم تكفا =))
خخخخ <<< شماته
و الصراحه عنوانك اوحى لي بالوضع الاجتماعي :×
و بالنسبه للقطاوه احب شكلهم بس اخاف منهم :×××
ميرسي عالبوست الحلو =)
موضوع المظلة اول مره اسمع عنها.. لما قريت اسم الموضوع قلت صايرة مشكلة و تبي تكتب عنها.. راح ياذونك اذا خليتها يم فريجكم لانه مع الايام يصيرون عتاوية
الصراحةاول مرة اسمع بهالمعلومة
وماعمري رفعت راسي فوق وشفت سقف المارينا انا يالله اشوف طريجي وامشي، من كثر عيون الناس اللي تشوفك تمشي وانت مجندس ههههه
والعنوان كان يوحي انك تبي تتكلم عن شي صار وياك او صار جدامك
عاد اذا رحت المارينا بعد 5 سنين بجيك عالسقف واشوف هالساعة اللي تتكلم عنها
وبليز لاتتكلم عن الوضع الاجتماعي لان لاعت جبدنا من هالموضوع
ذكرتني بالقطاوة اللي كانوا اييون يولدون وينطرون عيالهم يكبرون بعدين يتوكلون على الله، بس ان شاء الله اخذ الاجر اللي كنت اعطيهم فيه اكل مع اني اخاف من الحيوانات وانت بكرامة
اول مره ادري :)
لووووووووول على بالي بس جذي
سالفه المدونين خوش موضوع بس يقابلون منو إذا العموم ماشين على النك :q
تبي تكتب عن مارينا انا اقول فوقه ، يبيله تحلطم شوي :)
اول مره اسمع فيها
دربك خضر وما يهزك ريح اكتب عن هذيل الي مسمين روحهم كوول و24 ساعة بالمرينا
لوول والمظله انا سمعت انها تتحرك بس ولا مره شفتها
وحلوه مقابلة المدونين وانا مع انتر q8 انت الي تتكلم
ادري لزقناك فيها
:)
next time i go I will check it..ma kint adri innah tet7arak!
the cats picture is soo cute..
personally ma ra7 aqaddem 6alab a post about marina aliens.. not even avenues aliens i just want to forget they exsist
توني أدري إنه في مظلة ..مرة ثانية بجيك ولو أنه زياراتي قليلة للمارينا :)
وعلى طاري المقابلة والله أشجع الموضوع وشي حلو وقابلين إنك تمثلنا ....وإذا تبي مساعدة حاضرين :)
يا حلو القطاوة أموت عليهم بس للأسف ما أقدر أربي لي وحدة يمرضووووووووووون :) وايد حلوه الصورة ومعبرة ....:)
وأول ما قريت العنوان أوحى لي إنه صاير شي يفشل بالمارينا وتبي تكتب عنه ..
اخي العزيز خالد
صدقت فيمن اسميتهم كائنات
بالنسبة الى مارينا اف ام
افا عليك انت بس خلونا نتجمع
وانا اتكفل بالحجي
==> شرايك فيني وقت الازمات تطلع الصجية ههههههه
تحياتي
البرونزية الناعمة
حاضرين للطيبين ابشري بالسخرية للظواهر السلبية
الساعة المباركة كل يوم تعالي :)
عبادي
هلا والله
فعلا انا عندي مشكلة مع مارينا وغيره من المجمعات
وانتظر مني البوست
القطاوة ،،، انتقلوا بيت جيراننا
عندهم حديقة حيوان وافتكينا من لصقتهم
بس يونسون بيني وبينك
تحياتي
أهلين شمحوطة
اي والله ياكلون اللي يمشي اكل
بس ما لاحظتي ان التمشي في مارينا الخز فيه اكثر من الافينيو
أصلا الناس واضحين وتشوفين ملامحهم احسن من الافينيو
اتوقع حجم المجمع يفرق
بالنسبة الى الوضع الاجتماعي
فالقصد الوحيد هو التذكير فان الذكرى تنفع المؤمنين ،،
بعدين تعالي
اذا طالعتي فوق بتلاقين مظلة مو ساعة
وهي بالمناسبة تتحرك وقت تغير وضع الشمس من الشروق الى الغروب
بالنسبة الى القطاوة فجزاكي الله خيرا
لج اجر باذن الله
ميرسي على المرور المميز
هلا معاذ
اللي يستحي نقوله باي باي
واللي واثق من نفسه نقوله حياك الله
اديلو تحطلم حاضرين للطيبين
قريبا باذن الله
مي
حياج الله
الدوق دوكاتي
بفش خلقي فيهم هههههههه
وفيك انت مع خالد عععع
اقوى تدبيسة
بس هين
ومثل ما قلت حق خالد
انا اتكفل بالحتشي
تحياتي
big Pearl
حياج الله
والحين عرفتي
لاحظيها المرة الياية
تحياتي
اورجانيك كويت
حياج الله
كنت بقرب من القطوة اكثر للتصوير
==> كنت بسوي فيلم اعطيه قناة ديسكفيري ههههههه
بس على ما ظبطت كاميرة الموبايل مرة ثانية الا الشعب خلصوا وجبتهم
بالنسبة الى كائنات المجمعات الفضائية
حاولت انساهم بس وين مااروح يطلعون بويهي ،،،، تعقدت منهم
والمشكلة على بالهم شكلهم كووول وحلو
الله يعين اهلهم عليهم
تحياتي
اهلين ام محمد
شنو تقصدين بالمساعدة لا يكون تدبيس بعد ههههههههه
بالنسبة الى المارينا
فالاشكال الغلط اللي فيه اهي اللي الشئ اللي يفشل خاصة ان المجمعات التجارية واجهة لحضارة البلد اللي نزوره
بس بالكويت
مااعتقد ابدا ان المجمعات واجهة
شكرا لمرورك ام محمد
وبالنسبة الى القطاوة يحتاجون عناية خاصة واحنا يالله نربي عيالنا هالدور قطاوة الفريج بعد خخخخخ
من بطل الافنيوز وانه ماطبيت المارينا .. وبالنسبه للقبه انا ادري عنها من زمان بس نفسك والا مره شفتها اتحرك .
والقطاوه حدهم كيوت :) واااي ودي ابقطوه .
إرسال تعليق