هالصورة ماادري ملفقة ام حقيقية
بس اذا كانت حقيقية ففعلا مسخرة خخخخخخخخخخ
بس سؤال يفرض نفسه
ما تلاحظون ان مبيعات Apple زايدة في الفترة الاخيرة ؟؟
برامجهم اصبحت تنافس المايكروسوفت
واهم ميزة يتمتعون فيها
ان مـــا عندهم فايروسات ، فـ (أبل) يتمتع بنظام مابيخوريش الميه
فنقدر نسميه Virus free
وازيدكم من الشعر بيت
صار اللي يستعمل لابتوب أبل وخاصة بالكويت يعتبرحاجة ما حصلتش ==> ماني عارف شلون اعبر
واللي يستعمله يعتبر ذكي وواصل مرحلة متقدمة من الحرفنة في الكمبيوتر
بعد سوالفنا احنا يا الكويتيين شعب الهبـــــه
انا لا تكلم بمن يستعمل الجهاز وهو بحاجته وعنده امور فيها استعمال للجرافيكس فيحتاج يستعمله
قاعد اتكلم عن من يتفلس ويتبجح بيحازته هالجهاز وترززه بالقهاوي
واهو حده يطالع مواقع الجرايد اون لاين
اكيد في منكم بيقولي حرية شخصية
وانا اوافقهم الرأي بس ليش الترزز !؟!؟!؟
تحياتي
هناك ٢٧ تعليقًا:
الماك ممتاز وعملي وشكله جذاب
واقوى من مايكرسوفت وحتى مشاكله اقل بوايد بس المشكلة الصعوبة في استخدامه لانه تعودنا عل نظام المايكروسوفت بس فيه بالسوق برامج مايكروسوفت أوفيس 2008 خاصة بأجهزك ماك لذلك لا عذر بعد اليوم! اما ماك اير -- انحف تحفة الكترونيه في عالم اللابتوبات !عليهم مخ!
السلام,
في قول معروف عند الكمبيوترجية يقول:
حق السوليدير ( العاب ) اختر ميكروسوفت, وللتصاميم والجودة ماكنتوش ( ابل )
وللسيرفرات مالك إلا لينكس.
ودمتم ...
اتصدق ان يعتبر الافضل في استخدام الجرافيكس
وانا مدمن جرافيكس
بس هم سهولة الاستعمال لها دور
وكذلك الملحقات الاضافيه لبرامج الفوتوشوب اكثر بالويندوز
علشان هالشي
خلني على الويندوز
اما ابل صج اهو فشخره زايده هالايام
وخصوصا لما يكون استعماله لليوزر العادي
ياخوك يحق له الجهاز شكله حلو :q
للمستخدم العادي يعتبر غريب شوي لأنه نظام ثاني وغير بطريقه التعامل بس بشكل عام الجهاز قوي والهاردويير والسوفت ووير من شركه وحده وماله فيروسات
مادري لو بتكلم مااخلص ، تصميم الماك يعطيك شعور التميز لأنه مو منتشر :)
الحين الماك ترى صار مثل الوندوز تقريبا يا جماعا.
مو مثل قبل معقد, تطبيقاتة صارت مقاربة بشكل كبير للوندوز, وأغلب البرامج مالت وندوز الحين موجودة على الماك.
انا انصحك تجرب الماك اليديد, عجيب.
ملاحظة: ترى انا ما عندي ماك ولا اشتغل عندهم :)
والله انا اغلب اللي اعرفهم اجهزتهم ابل ووايد يتشيحيطون فيه ليه قتله شنو جهازك
انا اشوف الواحد لازم يشتري ويستعمل اللي يرتاح منه، لان انا الصراحة ماحب سوالف بوهبه ولي شره احد شي اروح اشتري نفسه احب اصير غير عن الناس فسالفة ماك يمكن اشتريه اذا طاحت سكته ومحد يشتري منه
والله المايكروسوفت اشحلاته واشوف تعودنا عليه ومن زمان كان معيشنا على النت وماتعلمنا عالكمبيوتر الا منه هالمسكين
جواب سؤالك في بوستك =))
فئه كبيره اهل هبات و تفلسف مادري على شنو
معنى المفروض الواحد ينقي اللي يرتاح له =)))
يسلمو عالبوست ,,
اي عاد تعال شوفهم الي عندهم ابل رافعين الخشم وتلقاه ما يعرف اشلون يشبك النت فيه
لا واذا اخترب ويبيله فورمات راح يلطكم لما يقول بس
:)
اشفيه كمبيتور صخر شحلاته والله
اظن الصورة ملفقة
والابل زين :)
i was going to buy one this week since it is the best for my work in designing childrens books it will help me alot! i didnt know there was a habba in kuwait for it :/ kuwait-mall.com gave me a great price for it its hard to resist :/ this will make me think again
:/
أهلين شادن
مثل ما قلتي الموضوع مووضوع تعود
بس ربعنا خالف تعرف
بيني وبينك كلنا بالكويت فينا هالعادة
بس قوتها تختلف من شخص الى اخر
يعني نقدر نقول تتدرج من الوضع الطبيعي الى الهوس
وبالنسبة الى الماك هو جهاز قوي جدا
ودعوة نوجهها الى ماكروسوفت ( هين اذا احد سمعني خخخ ) بالتعلم منهم
تحياتي
اهلين يانج
قول الشباب المأثور صحيح صحيح 100%
بس منو يشتغل تصاميم الا المختص ؟!
تحياتي
هلا وغلا خالد
سهولة الاستعمال تعتبر عنصر جاذب
لشراء الكمبيوتر
ولكن بالنهاية طلبك ورغبتك في العمل المتقن لن تكون موجودة ومتوفرة
فالافضل انك تتعلم عليه
وتورينا فنك يا معلم :)
اي صح ظبطنا بديزاين حلو لمدونتي ==> طمع الريال هههههه
تحياتي
معاذكو
محد يختلف على تميز جهاز ماك بالشكل والمضمون في الفترة الاخيرة
وأعتقد انهم عملو لابتوب تقدر تتنقل ما بين ماك واكس بي بنفس الجهاز
بس الفشخرة الزايدة مالها داعي
وهي مقصد كلامي
تحياتي
أهلين يانج مرة ثانية :)
اذا تلاحظ في بداية موضوعي ذكرت تميز الماك في السنوات الاخيرة
ومثل ما تفضلت اصبح هناك لكل برنامج معروف في الكس بي برنامج مطابق له في الماك للعمل عليه
فاعتقد في الفترة القريبة القادمة
بيكون غزو الكتروني ماكي :)
بس ارجع الى نقطة الفشخرة
تكفة يا شباب بلاش تفلسف بالقهاوي
تحياتي يا الغالي
أهلين شمحوطة
ماشاء الله عليج وفية للمايكروسوفت
وبيني وبينك لحد الحين قاعدين نتعلم فيه
فموناقصين نرجع من الصفر على نظام جديد خخخخخخ
والله يعيننا على هبات ربعنا
تحياتي
أهلين برونزية
اناحاط الجواب فعلا
ومثل ما تفضلتي كل من ينام على الجنب اللي يريحوا
==> ادري انتي ما قلتي جذي بس هذا اكيد قصدج ههههههههه
تحياتي
اهلين دوكاتي
اي والله شفيه صخر ههههههههههه
ذكرتني في الايام الخوالي
كل اسبوع نطامر في البيت عشان ياخذوننا السالمية القديمة ونشتري شريط جديد خخخخخخ
تحياتي
اهلين ابو لطيف
يعجبني المختصر المفيد :)
وصح لسانك
بس بالنسبة الى الصورة
فلايوجد ما هو يؤكد المعلومة
تحياتي
Organic Kuwait
حياج الله
اشتريه وانتي مغمضة اذا الموضوع فيه سوالف فنية :)وتصاميم
وفي نوع ايضا يحتوي على النظامين ماك والويندوز
تقدرين تستفيدين من الاثنين
==> انا اشجع اللي يشتريه لسبب فني
ويسهل امور العمل
وليس امور القز هههههههه
فتوكلي على الله واشتريه
واذا سويتي قصة للاطفال عطينا نسخة أولى كسبق صحفي يعني لعملية النشر :)
تحياتي
حبيبي وين ما تروح وين ما اتيي بعضهم راح يرجع مثل ال**** حق الوندز
تدري ليش لانه كل البرامج عليه و استخدامة سهل
و الي قاعد يتفلسف بلابتوبه خله يتفلسف اخرتها بيتحسف .. مو قاعد اتكلم عن الصج الي محتاجين ابل
إرسال تعليق