تدرون وين هالصور ؟؟؟؟
مااعتقد ان الموضوع لغز !!!
هالصورة في مارينا مول بالقرب من محل game wizzzz يعني لو لاف شوية يسار كان لقيتوا معاي قهوة سكند كب
المهم
هالمطعم اكتشفت انهم سكروه ....... ولكن في مارينا مول فقط
هو اصلا مو مطعم واحد هو 4 مطاعم في مكان واحد
يمكن دخلته مرتين او 3 مرات ،،، وكل مرة ادخله يكون افضى من المرة اللي قبلها
وان كان في ناس .... يكونون ناس ذوي الشخصيات الغريبة والمشبوهين اجتماعيا ( ماابي اوضح اكثر )
في محل منهم متخصص همبورجر ومتواجد حاليا في الافينيوز واسمه (مطبخ جورميه برجر) شرايكم بالترجمة :) واختصاره gbk بتلاقون شعاره موجود في الصور ( فوق أو تحت :) )
وقد قام الاخ مـــارك بتقييم البرجر في هالمحل من ضمن تقاييمه وتحديه مابين مطاعم البرجرز
المتواجدة بالكويت واختيار أيهم الأفضل ؟
من وجهة نظري الشخصية فقد ابخس حقه في التقييم .... وخفس فيه صراحة
مع اني اوافقه على مجموعة كبيرة من تقاييمه وذوقه بالمطاعم ( حتى لحد يقولي اختلاف في اللايف ستايل والذوق )
الفرق بسيط يا جماعة :)
انا من يوم ما دخلته وانا مطيح فيه
صراحة عنده ساندويتش من ضمن المنيو اسمها Garlic Mayo انا اكلتها مرة وحدة وتنحت صراحة
انصحكم وبقوة تجربونها
زبدة حديثي أن هالمطعم يستاهل ياخذ حقه من الدعاية
لأن صراحة وبالنسبة لي لا يقارن مع مطاعم اخرى دايما يكون عليها ( طق اعصي ) ولاهي بالعين شئ
واكلها عادي .... لن اذكر اسماء حتى لحد يضغطني ويكون مطعمه المفضل خخخخخخ
عموما جربوه وعطوني رايكم يا شبــــــــاب
تحياتي ،،،
هناك ٢٧ تعليقًا:
صارلي يومين مو متغدي يعني اسد قاعد يكلمك الحين لوووووووووول :)
شوف الساعه جم وانا بديت ازبد حدي بروحله
شورك وهداية الله ..
بالعافية ان شاء الله يا معاذ
وبشرنا بانطباعك بعد ما تحلي بمحل الايس كريم اللي مجابل هالمحل :)
تحياتي
فود كريتكس:ساخر كويتي
انابعد!
بجربه بعد 3اشهر لمن ارد الكويت اذا تذكرته--
فريج صويلح و اقطع
مموش ربيان طري مع صبار واجار و معبوج
و اشوية دهن عداني
و وراها جلاص لبن بارد
و عقبها أستكانة شاي بالهيل او النعناع
و عض المخده و ادعي لي
الصراحة مو من هواة الفاست فود خلاص الكبر شين
مطبق شعار حملة مرزوق الغانم اللي قبل
لنعيدها كما كانت
طبعا معدتي و الصحة
والله الناس اذواق .. لوله الاذواق لبارت السلع :)
وهذي زبدتي انا :)
يبيله والله .. ما ادري ليش كل ما اكون يوعان اقره موضووع عن اكل .. مقرود انا ؟
والله عاد انا صاير مفتلت من خلصت دوام كل يوم بمطعم
جذي راح اضيفه باللسته واقولك النتايج
:)
صراحة انا ماكلة منه اكثر من مرة
وانا نوعي اكل كل شي بس مو كل شي يعجبني واتلذذ فيه، هذا المطعم الصراحة غيييير، الهمبورجر ماله حددددده عجييييب
تكفة ذوق البورجر اللي كلها خضار والهمبورجر اللي فيها صلصة على تشيلي مادري باربيكيو ناسية شنو اهيا بس صج اكله لذيييذ
اهنيييك على ذوقك الزقرت والقوي
يوعانه
:(
انا مو من ربع البيرجر =(((((
و عليك بالعافيه =)))
حتى انا مو من ربع البيرغر
-
انا حتى عشاي افضله عيش وياريت لو مربين (:
-
و يا حاكي عقالي
جلاص ولا قلاص d-;
أهلين شادن
حياج الله
وترجعين بالسلامة باذن الله
تحياتي
اهلين اخ خالد
يا بو المزاج يا انت
نفس اللي قلته بس ما احبه الا في البيت
اكل كويتي لازم في شغل البيت لأن مااقدر اقارن مع اللي برة
بس مع اللبن بالنهاية
احلى شئ عض المخذة ههههههههههه
تحياتي
قوقعة
يعجبني الاختصار المفيد
بس بنفس الوقت في شئ اسمه ذوق عام
يعجب الجميع ويختلف عليه القليل
صح والا لأ :) ?!!
;)
اهلين عبادي
هارد لك
نصيحتي لك روح المطبخ بسرعة لا تاكل الشاشة تراني شايف سعابيلك من هني
تحياتي
دوكاتي
يا بوالمطاعم
ظبط طلعة مع معاذ وبالعافية مقدما
تحياتي
شمحوطة
من شرحك للساندويتش شكلي بروح المطعم اليوم هههههههه
بيني وبينك عدم وجود زحمة في المحل احسن واهدى بال صح
وبالنهاية اهنيكي أيضا على ذوقك الزقرت والقوي والمعضل بعد هههه :)
تحياتي
why me
روحي اكلي
برونزية
شكلج ربع الباستا :)
تحياتي
يعقوبووو
يعجبني الغداء على العشاء
بالعافية يا مان
تحياتي
ههههه تدري بهالمطعم صج تقدر تاخذ راحتك بالاكل
يعني انا ادشه واكل بيدي ما اهتم باللي حوالي، وانت ادرى ان البورجر مالتهم كبيرة يعني لما تبي تاكلها اللي داخل يزلق ويطيح ههه فهاللي يطيح ماتاكله بشوكه لأ تاكله بصابيعك
والله ودي اطلع من الدوام الحين واروح اتغدى فيه هههه
شمحوطة
الافضل وضع علامة عند باب المطعم
يرجى الابتعاد منطقة محظورة للحفريات
تحياتي
هذا معاذ كبر راسه خلاص ما قام يصير خوش وجلد اواعده ويكشت
تركه عنك انا اقول :)
السلام
شوف مشروع افتتاح مطعم بالكويت هالايام يذكرني بمشروع سعد وحسين اللي مثل ما تعرفون يبون مطعم باكه ويمه خباز ويم الخباز فندق صغير لغاية ما اخر شي باعو جواتي وبالاخير مصنع مسامير وفي النهاية راحو اشتغلو عند خالهم قحطه...
المطاعم في الكويت من كثرها ما عاد الواحد يدخل مطبخ بيتهم حتى ان طباخ بيتنا يترجاني تكفه بابا ابي اسوي مشبوس دجاي "جذيه يقولها" المسكين حاس انه ياخ1 فلوس من غير ما يحللها عموما مقال موفق واستمر
لايكون انت اللي قعدت دقيقتين وقمت
من المحل
==> صادوووه
هاردلك يامان
انا اطلع معاك ولايخوره معاذو
تحياتي
اهلين كاريكاتير
وعليكم السلام ورحمة الله وبركاته
كسر خاطري طباخكم
بس ودي اصلح لك الجملة اللي قالها
فاعتقد انه قال :
مشبوس ديـــــــاج هههههه
الساعة المباركة حضورك
وتحياتي
اووف حدي من ربع الباستا =)
إرسال تعليق