ماهي افضل الحملات الحالية للحج يا جماعة الخير
انا عملت بحث بسيط وطلعت معاي النتيجة بذكرها لكم في الاسفل
بس ابشركم ان الاسعار ناااااااااااااااااااااار
فارجوا فيمن لديه اي سوابق في التعامل مع هذه الحملات او سامع عنهم كلام
يرجى تنويرنا فيه
حملة الشايع ( عادت بعد انقطاع اقل سعر عندهم 2850 ==> ماحاجة اني افكر فيها ،،، لاقي فلوسي مولاقيها بالشارع خخخ( الاقامة في فندق دار التوحيد)
حملة الكندري ( VIP ) اقل سعر 3000 دينار ==> ماحاجة اني افكر فيها ايضا ،،، فسفسة فلوس يا جماعة ( الاقامة في فندق دار التوحيد)
حملة العساكرالثلاثية 1650 ،،، الرباعية 1850 تقريبا ( الاقامة في فندق)
حملة بورحمة الثلاثية 1500 ،،، الرباعية 1700 تقريبا ( الاقامة في فندق)
حملة الكندري ( المشعر الحرام) ( جديدة ولكن بادارة قديمة ) الثلاثية 1450 الرباعية 1290 ( الاقامة في فندق)
حملة الحوطي الثلاثية 1300،،، الرباعية 1200 ( الاقامة في عمارة)
حملة رصيف يا حلوها ==> مع اني ما جربتها بس كل الشباب يمدحونها وسعرها خطير 300 د.ك
بس مااقدر ااخذ الاهل عن طريقها
علمونا ياجماعة شنو يطلع معاكم
وجزاكم الله خيرا كثيــــــــــــــرا
تحياتي
ملاحظة : لمن يرغب في التمتع في مشاهدة الكعبة المشرفة على الهواء مباشرة 24 ساعة اليكم الوصلة
هناك ٢٢ تعليقًا:
حملة يدي خوش حمله :q
على الرصيف اسرع وارخص واريح حمله ، عن نفسي ماجربتها بس كل الي حوالي يحجون جذي وماكو اونس منها :)
عندي هالسنه 3 عروض حج لووووول الجيران والكندري والرصيف وشكلي بطلع رصيف :q
خلك على الاخيييييييرة طيبة وكويسة
هههههههه صراحة انا ما عندي اي فكرة <<< عيل ليش راد
ما ادري :P
بس بقول يعطيك العافية على الوصلة :)
ههههههههههه اهم شي حملة الرصيف
انا صراحة ماعندي اي فكرة عن الحملات لان ليلحين ماحجيت وعسى الله يكتبلي حجة هالسنة
انت شوف الربع شقولون وان شاء الله تلقى الحملة اللي ترتاح منها
بس اشدعوه هالاسعار!!! يعني واللي ماعنده من وين اييب؟ او يعني ينطر لي السنة الياية ويحج؟
وااي ما أدري ليش جذي الاسعار بدال لايفكرون ياخذون اجر وقللون الاسعار قاعدين يفكرون بالفلوس اشلون اكثرونها شنو هذا ولي ماعندا مايحج !!! شيسالفه والله اوروبا ارخص .. لا حول الله الله يهديهم يارب .
انا جربت الحوطي.. كانت جيده
بس اخواني مجربين الكندري يقولون هي التوب
فيه حملات غيرهم وايد وارخص بعد الناس صاروا يعتبرون الحج سياحة و كشخه و ترزز و العياذ بالله الله يتقبل منك ان شاء الرحمن الرحيم
وعطني ولعه
حملة العساكر ما يمدحونها كلش كلش ..
ذاك اليوم بالدوام اسمعهم يمدحون حملة الياسين (السنه ) .. ;)
وحدهم يمدحون الكندري بس والله سوالف أسعارهم مو سنع صار الحج تجاره حق أصحاب الحملات ..
الاسعار هذي تخليك تدور بالنترنت!
تخيل انك تحج عن طريق الانترنت؟!!
يعني المناسك كلها تصير اون لاين؟!
حق الي ما عنده!
ومع ذلك هم بيقولون لك حط رقم الفيزا!!
وتحياتي
بما انك سألت تحمل الاجابة من باب الخبرة :)
جملة على الرصيف :
ما تكلف شي بس يبيلها همة
يعني ماعندك سكن وتبي معاك واحد على الاقل نومك في اي مسجد او في الكعبة هذا الصبح الصبح وبالليل راح تكون في منى وتنقلاتك عن طريق النقل الجماعي
واذا تبي استفسار فيها حاضر
--
وهناك اختيار حلو وهي حملات السعودية ارخص وايد من حملاتنا بس نظامهم جنك طالع مع الكشافة او طالع البر 20 واحد داخل خيمة في منى
وحجوزاتهم عن طريق السعودية بالخفجي او بالحفر بس تحجز بعد ماتخلص قرعتهم افضل وتعرف الحملة القريبة من المرجم
وسعار الحملات تختلف أغلى وحدة 3000 ريال وتكون قريبة من المرجم هذا قبل والحين ما ادري
--
حملات الكويت
عندك حملة راشد العمر زينة وحملة الزويد زينة
واذا تبي استفسار حاضر
أهلين معااااذ
بيني وبينك ياني عرض حملة رصيف السنة الماضية بس المشكلة ان الاهل معاي
الله يسهل عليك وعلينا يا رب العالمين
تحياتي
أهلين مشاري
شكرا على النصيحةبس للاسف صعبة ة ة
تحياتي
شلون بوبيان :)
عبادي
السحور ذاك الصوب يا رجال
ولا تكثر شاورما ترى تعطش الصبح خخخخ
هههههههه
الله يعافيك يا رب
تحياتي
اهلين شمحوطة
المشكلة اذا انتظرتي للسنة اللي بعدها بتزيد الاسعار اسأليني لأني كنت عامل مقارنة
نتلاقى بمكة باذن الله
تحياتي
اهلين قوقعة
الاسعار كأنها كرة ثلج قاطتها من فوق منحدر ،،، كل سنة تزيد
واذا سألناهم ليش يقولون السبب مو منا ، السبب من السعودية رفعت عليهم الاسعار
تحياتي
أهلين اخت Purplecious
وصلني كلام حلو عن حملة الحوطي
سكنهم عمارة( تدرين بما انك قاطة مبلغ فوق الآلف فالافضل يكون فندق مو عمارة )==> ادري قاعد اتشرط هههههه
والكندري معروفة واعتقد ما عندهم اماكن الحين سكروا من الزحمة
تحياتي
أهلين THE BOSS
فعلا السالفة صارت ترزز
ولما يرجعون لازم ذاك الاستقبال اللي ماله اول ولا اخر
بس ايضا هناك حملات باسعار رخيصة
اذا رحت عليها تتحسف ويمكن تخسر حجك بسببهم
الله المستعان
تحياتي
أهلين بنت الكويت
حملة العساكر ما يندحونها !!! صج ؟
واصلني كلام حلو عنها عاد
حملة الياسين حلوة بعد وفلوسها تكون وقف بعد الحج
الكندري مشكلتهم مو عارفين يوازنون بين الـ VIP والطبقة المتوسطة من الناس وشكلهم ناويين على مفارقة اصحاب الدخل الطبيعي
تحياتي
اهلين Funny Q8i
بكرة يصير الحج افتراضي
خوش فكرة بس المشكلة ان الحج جهاد ولازم تتعب فيه والا شلون بتاخذ الاجر
وحطلي رقم الفيزا يا معلم ههههه
تحياتي
الاخ العزيز كش ملك
كفيت ووفيت صراحة في شرح خطوات حملة الرصيف
شكلي باخذ كلامك واطبقه في السنوات القادمة باذن الله بس هالسنة صعبة لأن الاهل معاي وبنفس الوقت خطواتك تحتاج واحد خبرة ودليلة بالسعودية هههههه
حملات الراشد والزويد انت اول شخص يمدحهم لي اذا عندك اسعارهم اكون لك شاكر
جزاك الله خيرا
تحياتي
اعجبتني ( كره ثلج قاطينها من منحدر ) :) ماشاءالله عليك اتييبها ييب
أهلين قوقعة
ما عليج زود :)
تحياتي
إرسال تعليق