كنت واعدكم اني اكتب عن المجمعات التجارية
بس قلت ااجلها الى ما بعد رمضان لأني من بداية رمضان ما دخلت أي مول او مجمع تجاري
بس امس كسرت القاعدة ومريت مرور سريع بمجمع الصالحية فقلت اكسر صمتي بالتحدث بشكل مختصر عن شباب وبنات الديرة
واكتشفت ان اهل الكويت مو عايشين بشهر فضيل
واقصد بالفترة مابعد الافطار لأن قبل الافطار ماادري شنو الاوضاع
فالبنات صاروا بايعينها
واللبس القصير صار عادي
وعمليات التجميل صارت عادية اكثر واكثر
وموضوع البوي فريند صار عادي اكثر واكثر واكثر
طبعا ايضا الشباب حدث ولا حرج
السبايكي والابداع بالديزاينات اللي كل واحد يقول الزين عندي
واذا شفت شعر هالمراهق ماتدري شعره اتجاهه وين خخخخخ
واحد مسويلي جزيرة والثاني مكودلي شعره كله بناحية ومطلع خصلة بناحية ثانية
وواحد مسويلي قنفذ مع احترامي للقنفذ
وذاك لابسلي جينز مشقق بطريقة غلط ( الظاهر متكرفس عند باب بيتهم وعن الحسافة قال اكيد الناس بتقول ديزاين جديد )
واللي مطلعي صرواله الاحمر بوقلوب حب
وقلة ادب في احترام الغير وخاصة بطريقة التدخين للمدخنين
يعني عادي يدخل معاك واحد بالاصنصير ومعاه زيجارته ( المكان مغلق ،،، ماكو اكسجين ،،،)
والاخ فرحان بتدخينه واذية نفسه وغيره
احمد الله ان في شباب وبنات الله هاديهم
وصارت روحة المساجد والالتزام المعتدل ظاهرة تبشر بالخير
والالتزام بالحجاب زاد فالوعي اصبح كل يوم يزيد عن الثاني ( بس اذا الله يفكنا من الحجابات اللي مالها شغل بالحجاب الصحيح )
اكو حجاب بوقدلة ==>مرسيدس clk كشف
حجاب بوقوطي نخي ==>بو دعامية
حجاب بوردة وحجاب بو بو بو
والى اخره من حجابات اخر زمن
أذكر في سنة من السنين راجع البيت على طريق البحر وفي وضح النهار في رمضان
تفاجأت بشباب يحاولون يرقمون بنت و في نهار رمضان
وازيدكم من الشعر بيت هالشاب قدر يسفط البنت وعطاها رقمه بعد
ولافي احترام للشهر ولاهم يحزنون
شنو برايكم سبب هالمشكلة
هل هي تربية الاهل ،، هل هي الصحبة السيئة ،، هل هي عدم وجود رقابة من الاهل
او هناك اسباب اخرى فيرجى ذكرها
وحتى يكون البوست له قيمة
فما هو الحل لهذه الفئات السلبية من المجتمع .؟؟؟
هل الحل يكون من وزارة التربية ==> مااعتقد فدورهم بسيط جدا همممم
هل الحل يكون من البيت ==> طيب اذا اهل البيت اطين من عيالهم ؟؟؟!؟!!!
هل الحل يكون بتغيير الصحبة السيئة ==< تحتاج عزيمة ومصارحة مع النفس للبدء بهذه الخطوة
او اي سبب ترونه مناسبا
تقبلوا تحياتي
قرقيعان قرب ياناس :)
هناك ٢٣ تعليقًا:
والله يا طويل العمر كثر ما الواحد يتكلم ويحاول يعدل بالاوضاع ماكو فايدة
قلبك يعورك وتحتر على اللي تشوفه واللي قاعد يصير وانت مابيدك شي
انا صراحة نفسك يكدرني وايد لما اشوف لبس الناس، يا اما كانت بنت ولا كان صبي .. البنت تشوفها متينة ولاضعيفة تقعد تلبسلك هالقصير اللي مطلع سيقانها ولي جندست حدث ولا حرج او مترصرصة بهالجينز والقميص تقول داهنة جسمها فازلين عشان بس يدشون فيها، واذا كان صبي تشوفه لابسلك هالتيشرت القصيرة وضيجة تقول جنه بنية ولا تكون ملونة وفيها سوالف ترتر وخرابيط ملوت بنات يعني ماتشوف فيهم رجولة كلش
وييينهم ويين شباب اول الله يحفظهم!!!
وبعدين مادري شنو الحكمة او التفسير اللي حاطينه حق كلمة الحجاب!
يعني الله قال اهوا ستر ماقال زينة ولا طلعوا القذلة او زيدوه سلندر غاز
انا ذاك اليوم بغيت ادعم بسبة اني تنحت بوحده حاطة بحجابها سلندر غاز هذي لو تطق بريك خفيف ويها يدش بالسكان من كثر ان راسها مو راضي يتسند عالكشن
عيال هالوقت طال عمرك مافيهم لاحيا ولا حشيمة حتى بالايام اللي يمرض فيها ومايصوم تشوفه اشكرة ياكل جدامك صار عندهم رمضان جنه يوم عادي اسمه بس انك تصك حلجك وماتاكل شي يعني مايصوم عن اي شي ثاني غير الاكل
انا اشوف الغلط في تربية الاهل لان ماكو ام ولا ابو سنع ويخاف الله يخلي ولده ولا بنته يطلعون بلبس يفشل جدام خلق الله ولا يمشي ويا واحد صايع وضايع
يعني انا امي لي شافتني اسلم على وحدة بمكان لابسه لبس يفشل تقولي شهاللبس اللي لابسته!وتقولي لاتحتكين فيها ولا اتماشينها مع ان الحمدالله ماعندي رفيجات من هالنوع لان لو بشوف وحده جذي راح اكلمها بنفسي
وهم الصحبة السيئة تلعب دور مثل ما انت عارف الصاحب ساحب بس اللي عنده عقل ويقدر يميز الصح من الغلط يقدر يهد هالصحبة الفاشلة ويحاول يغير من نفسه، واذا كانوا اهله اهما الطامة الكبرى فانا اقول الله يهدي من يشاء ويكون اهني دور وزارة التربية
فانا اشوف ان لازم وزارة التربية تشدد عالتعليم وانهم يوعون عيالنا على هالامور لان اهيا اسمها وزارة التربية من دورها انها تربي عيالنا مع ان للاسف في معلمين يحثون عالخراب وتشوف لسانهم وصخ
وهم اشوف ان وزارة الاوقاف لازم تكثر من ندواتها التوعوية والدينية مثل اللي كنا نشوفهم بالمجمعات ملوت الشيوخ المعروفين امثال محمد العوضي وغيره اللي سووهم
والله يا ساخر امس ضاق خلقي على واحد صغير عمره 21 طلع مو سوي يعني يحب الرياييل ومايصوم حاولت انصحه وافهم فيه قام يقولي لاتصيرين الطبطبائي جد ضاق خلقي والله اني اشوف عيالنا يختربون
وسامحني على الطوالة بس موضوعك الله يهداك مايخلي الواحد يختصر اللي بقلبه ههههه ومشكور ويزاك الله الف خير
فاقد الشيء لا يعطيه
اذا اهم جذيه تهقا اهاليهم شلون
ما اعتقد اللي بنتها تطلع بهالشكل تربت زين عشان تعرف تربي بنتها
ولا الولد اللي ما يخاف الله ويرقم بنت الناس برمضان عنده ابو وينعد ريال بالبيت عشان يتخذه قدوة
وهذولي كلهم ما تربوا في بيوت فيها وازع ديني
ولا شي اسمه مخافة الله
ولا حتى عيب وما يجوز
جيل تلفان الله يستر اذا هذول كانوا الأجيال القادمة اللي بنسلمهم زمام الأمور
استغفر الله
مالي حاجه بالمجمعات حاليا والزحمه تلوع جبدك اكثر واكثر يعني حد الطااااف وريح بالك :)
الحل يكون من البيت لأن لو كانت التربيه صالحه ماراح يتأثر بكل الي حواليه والوازع راح يكون عنده قوي ، اما إذا كان رب البيت بالدف ضاربا فإنت تعرف الباجي لووووول :)
حق الي مايعرف التكملة
إذا كان رب البيت بالدف ضاربا
فشيمة أهل البيت الرقص :)
السبب باختصار من الاسباب الي ما ذكرتها الدلع الزايد
الحل انا مليون مره قلته انشاء منتجع للمتخلفين عقلياً
حتى مسلسلاتنا ما اظن لها وعي حقهم بالعكس قاعد يزيد الطين بله
احنا ساعات انقول مو مشكلة لما يكبر يصير ريال و لكن للاسف كل ما كبر صار اثول زيادة
يعطيك العافية على البوست الحلو اخوي
ليش رايح عقب الفطور ;q
أنا رحت الصبح وسهالات خذينا بدلاتنا انا ورفيجتي ولله الحمد كل الأشكال الي تتكلم عنها ما شفناها لكن الغريب بالموضوع ان المواقف كانت متروسه لما عينها حتى الي ياخذ السيارات ما رضى ياخذ السياره يقول العدد كامل وداخل الصالحيه ماكو أحد يكشون ذبان يعني كل هالناس الي حاطه سياييرها وينهم ؟؟؟
لا تقولي الشركات الي فوق كلهم عندهم أماكن بروحهم ييصفطون فيها :)
الوضع ينحل باشيا بسيطه
لان التربيه طلعت عن حاجز البيت والمدرسه
صارت بالتلفزيون
بالاعلام بشكل عام
وبالتجارب
انا برايي اعلان بسيط بين مسلسل الكل يتابعه يقدر يجذب البعض وجايز يصلح جزء منهم
في بنت من اهلنا مالتزمت بالصلاه الا لما شافت فلم اسمه رب ارجعون عن عذاب القبر
وفي شاب صغير اثرت فيها دعايه صلاتك مالت ام بي سي تذكرونها ترا امنعوها لانها too scary
في اشيا بسيطه تجذب الناس وتغير فيهم بطريقه قويه
لكن علينا عدم الاعتماد على الوسائل القديمه
لان اليهال ماعاد يحشمون كبير
بعضهم مو كلهم
والمراهقيين الجرأه اكسر كل حاجز جدامهم
انت مستغرب من وضع السوق
انا استغرب من وضع البنات الصغار شلون يكلمون الدكاتره بالكليه
شوي وتضربه افا يلا عاد دكتووووور
يووووز وهاهاها
مصخت!
انا اقول المشكله فيهم اهم .. الواحد عنده عقل يعرف الصح من الغلط ومن الحلال ومن الحرام .. والوازع الديني وقوه الايمان هم تلعب دور كبير في الاخلاق .. حتن لو الاهل مومربينهم عدل او امرافجين رفقه السوء ..الواحد عقله ابراسه.. الله يهديهم يارب
السلام عليكم
حبيت اشاركك بالموضوع .. انا كتبت مقالات عن هذة الامور والموضات الغريبة بين البنات عبر مدونتي ويمكنك ان تزورها :
الجزء الاول:
http://bologa.blogspot.com/2008/07/blog-post_16.html
الجزء الثاني:
http://bologa.blogspot.com/2008/07/blog-post_18.html
اما الشباب فكتبت عنهم التالي :
http://bologa.blogspot.com/2008/07/blog-post_30.html
وشكرا
اتمنى اشوف تعليقك عليهم قريبا
ودمتم بخير وسلام
اهلين شمحوطة ماشاء مبدعة
ردك صار أقوى من الموضوع
:)
الترصص حدث ولاحرج في المجتمع الكويتي ولافي اعتبار للدين ولا للعادات والتقاليد الاعتبار كله جود للموضة للاسف الشديد
عجبتني جملة ( حاطة بحجابها سلندر غاز خخخخخ)
بالنسبة الى الجنس اللي كلمتيه هذا مايمشي معاه الا أن ينحكر في مستشفى متخصص بهالسوالف بس ربعنا في الحكومة ما خصصوا حتى قسم لمعالجة هالامور
أصحاب السو
وعلى قولة امام مسجدنا مو بس سيئين الخلق
بل حتى اللي يحبطون العزيمة يعتبرون من اصحاب السو فانصح نفسي قبل الجميع بالبعد عن هالاشكال
أشكر ردك المسهب والمميز اخت شمحوطة
تقبلي تحياتييش
اهلين شمحوطة ماشاء مبدعة
ردك صار أقوى من الموضوع
:)
الترصص حدث ولاحرج في المجتمع الكويتي ولافي اعتبار للدين ولا للعادات والتقاليد الاعتبار كله جود للموضة للاسف الشديد
عجبتني جملة ( حاطة بحجابها سلندر غاز خخخخخ)
بالنسبة الى الجنس اللي كلمتيه هذا مايمشي معاه الا أن ينحكر في مستشفى متخصص بهالسوالف بس ربعنا في الحكومة ما خصصوا حتى قسم لمعالجة هالامور
أصحاب السو
وعلى قولة امام مسجدنا مو بس سيئين الخلق
بل حتى اللي يحبطون العزيمة يعتبرون من اصحاب السو فانصح نفسي قبل الجميع بالبعد عن هالاشكال
أشكر ردك المسهب والمميز اخت شمحوطة
تقبلي تحياتييش
اهلين شمحوطة ماشاء مبدعة
ردك صار أقوى من الموضوع
:)
الترصص حدث ولاحرج في المجتمع الكويتي ولافي اعتبار للدين ولا للعادات والتقاليد الاعتبار كله جود للموضة للاسف الشديد
عجبتني جملة ( حاطة بحجابها سلندر غاز خخخخخ)
بالنسبة الى الجنس اللي كلمتيه هذا مايمشي معاه الا أن ينحكر في مستشفى متخصص بهالسوالف بس ربعنا في الحكومة ما خصصوا حتى قسم لمعالجة هالامور
أصحاب السو
وعلى قولة امام مسجدنا مو بس سيئين الخلق
بل حتى اللي يحبطون العزيمة يعتبرون من اصحاب السو فانصح نفسي قبل الجميع بالبعد عن هالاشكال
أشكر ردك المسهب والمميز اخت شمحوطة
تقبلي تحياتييش
اهلين شمحوطة ماشاء مبدعة
ردك صار أقوى من الموضوع
:)
الترصص حدث ولاحرج في المجتمع الكويتي ولافي اعتبار للدين ولا للعادات والتقاليد الاعتبار كله جود للموضة للاسف الشديد
عجبتني جملة ( حاطة بحجابها سلندر غاز خخخخخ)
بالنسبة الى الجنس اللي كلمتيه هذا مايمشي معاه الا أن ينحكر في مستشفى متخصص بهالسوالف بس ربعنا في الحكومة ما خصصوا حتى قسم لمعالجة هالامور
أصحاب السو
وعلى قولة امام مسجدنا مو بس سيئين الخلق
بل حتى اللي يحبطون العزيمة يعتبرون من اصحاب السو فانصح نفسي قبل الجميع بالبعد عن هالاشكال
أشكر ردك المسهب والمميز اخت شمحوطة
تقبلي تحياتييش
اهلين شمحوطة ماشاء مبدعة
ردك صار أقوى من الموضوع
:)
الترصص حدث ولاحرج في المجتمع الكويتي ولافي اعتبار للدين ولا للعادات والتقاليد الاعتبار كله جود للموضة للاسف الشديد
عجبتني جملة ( حاطة بحجابها سلندر غاز خخخخخ)
بالنسبة الى الجنس اللي كلمتيه هذا مايمشي معاه الا أن ينحكر في مستشفى متخصص بهالسوالف بس ربعنا في الحكومة ما خصصوا حتى قسم لمعالجة هالامور
أصحاب السو
وعلى قولة امام مسجدنا مو بس سيئين الخلق
بل حتى اللي يحبطون العزيمة يعتبرون من اصحاب السو فانصح نفسي قبل الجميع بالبعد عن هالاشكال
أشكر ردك المسهب والمميز اخت شمحوطة
تقبلي تحياتي
أهلين اخت الزين
بالنسبة الى الاهل فينقسمون قسمين
قسم ما يدرون عن عيالهم وعندهم عقدة اسمها خليستانسون توهم شباب
وهناك من الاهل اسوء من العيال
فما نقول غير الله يهديهم
يعني ما يهز هالاشكال الا لما يصير بالعايلة تراجيدي عشان ينتبهون على وضعهم
تحياتي
اهلين معاذ مبروك الصورة الجديدة :)
زين تسوي انك ما تروح المجمعات اريح بالا واريح جيبا ( عشان لا تصرف ههه )
والبيت يعتبر اساس
ولكن لو كان البيت سئ ؟! ما العمل ؟
تحياتي وشكرا على توضيحك للمثل
تحياتي
اهلين عبادي
وليش منتجع؟؟ شكلك بتدلعهم انت بعد ههههه
حدهم شبرة وحط عليها ماركة مشهورة ربعنا يهسترون على بالهم موضة ومن بعدها تصير مسيرات جدام هالشبرة تدري ليش لأننا شعب الهبه خخخخخ
تحياتي
اهلين بنت الكويت
كنت مضطر اني اروح بهالفترة
عموما بالنسبة الى المواقف والله ماادري شنو سالفتهم بس اكيد في قمندة
يمكن اكو سوق يم الصالحية او مكاتب جديدة تم افتتاحها غير اللي نعرفهم
تحياتي
هلا بالسنعة
التربية التلفزيونية صار لها نصيب الاسد بالتدخل في حياتنا
والمشكلة ان اذا سألنا اصحاب المسلسل ليش تطلعون علينا بهالاخلاق السيئة واللي ما تعكس واقع اهل الكويت يقولون ان باخر حلقة من المسلسل اكو عبرة
طيب واللي ماشاف هالحلقة !!!
انا عندي اقتراح وهو العبرة تكون في كل موقف سلبي تمر عليه احداث المسلسل
الاعلانات وخاصة اللي ذكرتيهم كان لهم اثر كبير فعلا
اما اسلوب بنات الجامعة فهذا يصلح نخصصله موضوع بحاله
تحياتي لمرورك المميز
اهلين قوقعة
اسمحيلي اخالفك الراي
من ناحية ان في كل انسان بذرة طيبة فهذا لا خلاف عليه ولكن البيئة اللي يعيش فيها الانسان تؤثر عليه وبشكل كبير
تذكرين سالفة اللي قتل 99 نفس
كان افضل حل بالنسبة له هو ان يغير بيئته في التوجه الى الشخص اللي بيعطيه الجواب المناسب
ورب العالمين غفرله
فالموضوع يحتاج اكثر من عنصر للتحول
تحياتي
اهلين اخت فجأة :)
قريت مواضيعك
ماشاء الله عليج
صراحة
بردتي جبدي
وشرحتي اللي ما قدرت اشرحه
انتظري ردي في مدونتك
تحياتي
قبل
كانت التربية بين البيت والمدرسة فقط
وكان للمدرسة دور كبير جدا وموازي لدور البيت ورديف له .
والوسائل الاعلامية ( التلفزيون ) كان محيد في مجال التربية
لم تكن لدينا الا قناة واحدة ثم اضيفت القناة الثانية ... وما تبثه من افلام وبرامج ومسلسلات محلية وعربية لذا كانت هذه الوسيلة لاتتدخل بشكل كبير في مجال التكوين النفسي للمشاهد وليس لها تأثير اجتماعي كبير
بعد
البيت
المدرسة ... فقدت دورها التربوي
دخول وسائل اعلام ما انزل الله بها من سلطان ( محطات فضائية ... انترنت ) ... دون حسيب او رقيب
وصارت هي التي تلعب الدور الاكبر في التكوين النفسي والتأثير الاجتماعي على الافراد
عدم وجود جهود للمؤسسات الحكومية او الاهلية لمجاراة هذا التخريب او التغريب الاعلامي
بل ان الكثيرون لايرون في هذا تخريب وانما حرية شخصية و.... و.....
ما يسمعه الابن او الابنه على مدار ساعات من مواعظ
يذهب ادراج الرياح ببضع دقائق على النت او عند الاطلاع على احدى الفضائيات
( الشق عود ) .... وفي فمي ماء
والله المستعان
الظاهر ردي لك كان مأثر عليك وايد اللي خلاك تعيد الحجي الف مرة هههههه
أهلين بولطيف
تفضلت وذكرت التالي :
ما يسمعه الابن او الابنه على مدار ساعات من مواعظ
يذهب ادراج الرياح ببضع دقائق على النت او عند الاطلاع على احدى الفضائيات
كلامك يحتمل الصح والخطأ
الصح هو انا في شباب ضعاف نفوس
وفي شباب ايمانهم بالله قوي وماسكين نفسهم
فالله يهدي شباب المسلمين
امين يا رب العالمين
شمحوطة
ضغطيني اكثثثثثثثر هههههه
يوزي عني لا اعيد الكلام عليج مرات ومرات خخخخخ
تحياتي
كل قرقيعان وانت بخير (:
ههههه لا خلاص خلاص توبة ماعيدها
إرسال تعليق