ماشاء الله تبارك الرحمن
تدرون ليش بعض دول الخليج قفزت قفزات كبيرة وتخطتنا وتخطت الدول المحيطة ؟!؟!؟
لأنها ببساطة دول تقتنص الفرص
استثماريا اجتماعيا أو سياحيا .... الخ
هالدول عندهم فرق لعمل دراسات الجدوى ودراسة كل المشاريع المهمة في بلادهم
والمهمة الاكبر متروكة لمتخذ القرار
ومن صفات متخذ القرار الجرأة في التغيير الى الافضل
يوجد سلبيات نتيجة كل قرار يتم اتخاذه لا خلاف على هذا
ولكن الفرق واضح ما بين سلبياتنا وسلبياتهم
أرجع الى نقطة اقتناص الفرص
أذكر لكم سالفة خبرني فيها واحد من الشباب
وهي عن موضوع Formula 1 وهو سباق السيارات السباق المشهور
تصدقون ان المشروع كان معروض علينا بالكويت !!!!
بس ربعنا حولوا الموضوع للتفكير والدراسة
طبعا اسباب التفكير يتخللها وجود اشخاص
يحاولون يكسبون من ورى المشروع
واللي ضامن انه يكسب يفكر شلون يكبر اللقمة
واللي ضامن الحصة الاكبر يفكر منوا ينفع معاه بالمشروع
واللي واللي واللي . .... اااه من الطمع بس
وخلال الفترة اللي كانوا سرحانين يفكرون ياخذون المشروع والا لأ
عرف اخواننا في مملكة البحرين بالموضوع وبالاخص ملك البحرين فاستضاف الوفد الرسمي بنفسه في المطار
ومن المطار اخذهم على طيارة هليكوبتر الى بعض المواقع لتخيير شركة Formula 1 في أي موقع يناسبهم لعمل مضمار السباق
يا سلالالالام هذي التسهيلات والا بلاش
وبالفعل صارت واستوت فكرة الـ Formula 1
وتم افتتاحها كأول مضمار في الخليج العربي
واحنا بعدنا قاعدين نفكر
وخلال استمرارنا في التفكير
قامت إمارة أبوظبي بعمل ثاني مضمار Formula 1 في الخليج
واحنا ما زلنا نفكر
ترى ابعاد عمل هالمشروع كبيرة
ايرادات جديدة بتدخل على البلد
سياحة من صوب
ناس جدد بيدخلون الديرة من صوب
الفنادق بينشط سوقها من صوب
ولكن للاسف الشديد الكل عارف وين المشكلة
والكل عارف الحل
بس منو اللي يقدر ويتجرأ
تقبلوا تحياتي
هناك ١٩ تعليقًا:
واحنا شنشو الي ذابحنا غير ان ما عندنا واحد ياخذ القرار الصح
كل واحد يقول اهم شي انا شنو راح استفيد بعدين يفكر بمصلحة البلد
حاجه تقهر
:)
اييي خل انقص على روحنا بسيارات ارض المعارض..
التفكير نعمة
عندنا خلوه نقمه
والله المستعان
وازيدك من الشعر بيت يا ساخر كويتي .... انا سمعت ان ski ( صاله التزلج الي في دبي _ امارات مول)
كانت فكره واحدكويتي بس طبعا على قولتك حبطو وقالوله مشروع فاشل ومايصلح حق جونه الحار .. وقام وسواه في الامارات وشوف الحين ضرب ضربه عندهم .
والله اعلم :)
ليش مستعيليين خلونا نفكر احنا طايفين الناس شبيتين
:p
والله يا ساخر احنا اهني بس حجي عندنا ماكو فعل
سالفة اتخاذ القرار والتسويق دارسته ايام الدراسة وكنت اقول وين اصحاب اتخاذ القرار اللي قاعد يتخصصون بدراستهم في هالمجال وقاعد ياخذون شهادات فيها
لو تشوف ان كل هذيلة مشاريعهم موزعة برة الكويت
شباب ورجال اعمال كويتيين قاعد يسافرون كل اسبوع او كل شهر برة الكويت خاصة بدول الخليج واولهم الامارات قاعدين يجيكون على شغلهم ومشروعاتهم بذيج الديرة
لو معطينهم المجال في الكويت جان شفت الكويت الحين من احسن الدول ومواكبة التطور وفيها احسن المشاريع
بس للاسف محد يفكر بمصلحة البلد
شي يحر الصراحة
انتي تبي تفكر بالشوارع والزحمه والمطار والطيران والمجمعات :)
مايصير تييب مشروع كبير وتقطه قط بالديره :q
الديره بروحها يبيلها تعديل ، انزين كشافات المضمار اشلون راح تشتغل على بالك ترشيد راح يخلونك لووووووووول :q
الاخ الكريم صاحب مدونة ساخر كويتي
سلام من الله و رحمة و بركه ،،،
في البدء اود ان اسجل اعجابي بمدونتك و مواضيعها المتعدده و الشيقه و المثيره للنقاش ، مما يجعلها بمنزلة تستحق تناولها و نشرها بصورة اعم و اوسع و اعمق .
و نحن في جريدة الوسط ، احد الصحف اليوميه بالكويت ، نعتزم تسليط الضوء على عالم المدونات بكل ما فيه و لما يحتويه من نقاشات و موضوعات تلفت انتباه جميع القراء بكل مستوياتهم و على اختلاف انتمائاتهم .
و نود منكم التكرم بتحديد موعد للقاء معكم للنقاش حول كيفية بلورة التعاون فيما بيننا للتوصل الى كيفيه اثراء صحيفتنا بما تحتويه المدونات على وجه العموم – و مدونتكم على وجه الخصوص - من مواضيع و افكار و اراء شتى ، و لييتمكن القارئ العادي –الذي لا يستطيع استخدام الانترنت و عالمه الواسع – من الاطلاع على لبنات افكار جديده .
و لعله جدير بالذكر اننا – في جريدة الوسط و على خلاف باقي الصحف نعدكم ان يكون التعاون لصالح الطرفين – فقد لا يكون هناك مقابل مادي للنشر و لكن في اعتقادنا ان المقابل الادبي – و الذي سيتم تحقيقه بنشر مقتطفات من المدونات في جريده توزع 35 الف نسخه يوميا سيكون له عظيم الاثر في نشر ثقافة المدونات و كل ما تحمله من حريه للرأى .
شاكراً لك حسن التعاون ، و كل عام و انتم بالف خير
محمود فوزي
Mfawzi@alwasat.com.kw
اهلين دوكاتي
اااااااااااه من التفكير بالانا
وناسين شئ اسمه نحن
او الكويت
الله المستعان
تحياتي
اهلين عبادي
هههههههههههه اي والله مقصة
بس حلوين لبعض الاعمار عشان ما نبخس حقهم
تحياتي
اهلين بولطيف
ماشاء الله عليك جبتها بالضبط
كلماتك حكم يا رجل
تحياتي
اهلين اخت قوقعه
شفيج اهما ناويين يسوون شئ ماحصل ولا استوى بالكويت لمنافسة مو بس دول الخليج الا الدول المتقدمة بعد خخخخخ
الله يشفيهم بس
تحياتي
اهلين مشاري
طايفينهم بشبتين ومسوين حادث لأن ما التزمنا بقوانين المرور بعد
تحياتي
اهلين شمحوطة
معروفة ومقيولة بعد
خيرنا لغيرنا في الكويت
البيروقراطية ذابحتنا
بسبب اعتمادهم لسياسة التنفيع
وهذي اكبر شركة اتصالات بالكويت
انحاشت من الكويت بسبب هالعقم بالتعامل وتعطيل الاعمال
ويبون الاجانب يشتغلون معانا بالكويت
اذا اهل الكويت موقادرين يشتغلون عيل شلون الاجانب
تحياتي
اهلين معاذ
عندنا في الكويت لكل فكرة جديدة مبتكرة وزينة هناك من يكسر مياديف صاحبها بكل ما اوتوا من قوة لأن قوتهم ودورهم وبريستيجهم سوف يلغى ، ولا عندهم استعداد للتعلم للمحافظة على المنصب
تدري ربادة كويتيين
فالله يعيننا ويهديهم
تحياتي
الاخ العزيز ابو عمرو
وعليكم السلام ورحمة الله وبركاته
يا هلا ومرحبا فيك اخي العزيز
سوف اتواصل معك عبر البريد الالكتروني التالي :
skuwaiti@ymail.com
شاكر لك ثقتكم الغالية
تحياتي
كبر اللقمة يا عنتر لوووول
اهما اذا ماعرفوا يكبرون الهمچة ما يمشون السالفة!
للأسف حتى سيارات اللاسلكي بالحسرة
ما يصير خاطرك الا طيب، ياي الشتا ونسوي احلى مضمار F1 كويتي اصلي بچبد
لووووووووول
وتحياتي
اهلين Funny Q8i
بالنصيفة اوكي ==> تفكير الكويتيين خخخخخخخخخ
لازم منفعة
الله يهديهم
تحياتي
إرسال تعليق