البارحة
او نقدر نقول اليوم لأن الموضوع صار بعد نص الليل
شاد حيلي عشان قيام أول ليلة من ليالي صلاة القيام
ومسجدنا عملوا انتخابات فرعية للتصويت على وقت الصلاة واللي فاز هم اصحاب الساعة 2 بعد منتصف الليل
والهدف من اختيار هالوقت كان لشبك صلاة القيام مع صلاة الفجر وهو اقتراح حلو
بس يحتاج تعود وترتيب أوراق
بيني وبينكم كنت عاد العدة وقلت اغمض عيوني شوي وانام الى الساعة 2
بيني وبينكم كنت عاد العدة وقلت اغمض عيوني شوي وانام الى الساعة 2
فحاولت جاهدا اني انام بعد التراويح بس ما قدرت ( متنح في البيت طول ليلة امس )
متى شرفت النومة ===> الساعة 12:30
وراحت علي نومة الى قبل صلاة الفجر ==> أشوى اني قعدت لأني مـــا كنت متسحر
وقعدت ااكل كل ما شفته جدامي من خفايف موجودة بالثلاجة الى ان اكتفيت ولله الحمد
ولكني أأسف على نفسي اني ضيعت هالليلة المهمة
فكرت اني اروح الى مسجد يبدي ويخلص مبجر بس بيتلخبط وضعي اكثر واكثر
ولكني في جهاد اليوم باذن الله لتظبيط اوقاتي
تحياتي
هناك ٢٠ تعليقًا:
هذا ابليس انا اعرفه اهوه كل يسوي هالسوالف معانا
لووول ولا لما تقول لا بس بغمض عيوني شويه مو ممطول ما تشوف عمرك الا نايم 3 ولا 4 ساعات
:)
انشالله اليوم انت تقص على الشيطان وتقوم
لوول
ما عليه شد حيلك اليوم واعيلي بليز
:)
لووول موخوش سالفه
احسن شي انك تمشي على جدولك وتشوف المسيد الي ماشي معاك ، خل عنك المسيد القريب واهل المسيد الي كل واحد يبي يمشي الإمام على كيفه :)
راح تحصل مسايد تبدي من 12 ونص لما 2 ونص انت طب وتخير :)
المفروض ان يتم التقلم قبل ذلك بوقت كافي
ولابد من استخدام منبه 200 وات لزوم الصحيان
اسال الله ان يأجرك على نيتك
وان يسهل لك قيام ما تبقى من الايام
اللهم انك عفو تحب العفو فاعف عنا
الله مو كاتبلك هالليله اكفايه انك نويت اتروح لايظيق خلقك :) ومثل ماقلت يبيلك تنظيم وقت وتعود .. ويزاك الله خير وكثر الله من أمثالك .
ههههههه والله انك ضحكتني
بعد هذا اهوا النوم شتسوي!
النوم سلطااااااان يا اخي
اكو احد يقدر يغلب النوم؟!
بس اذا ضبطت نفسك قبلها بجم ساعة وعرفت جدولك متى تنام ومتى تقعد ومتى تفضى اهني تقدر ان شاء الله انك تلحق عالصلاة
انا صارلي جم يوم ادوخ قبل اذان الفجر اللي اقول بس ابي انام من كثر ما انا دايخة وكله بقول انام واقعد عالاذان بس ادري بنفسي ماراح اقوم فأقعد انطر لي الاذان ولي اذن وصليت طارت النومة /: وما انام الا عال 8 الصبح
حدي متأزمة من هالسالفة
بالتوفيج :)
جوف انت برمج نفسك قبل لا اتنام قوول انا بعد 2 انا بقعد 2 و اتقوم صج
أهلين دوكاتي
اعوذ بالله من ابليس
عودنا على هالسوالف قبل رمضان عشان نواضب عليها
اليوم ناوي اروح مبجر حق مسيد يبدأ مبجر
++++++++++++++
أهلين مي
ترى طلعت معاج بدلية
بس ادري ان قصدتش ان ادعيلج
الله يعينك ويهديج على الخير امين
حياك الله يا الغالي
++++++++++++++
اهلين معاذ
هذا اللي بسويه الليلة باذن الله
تحياتي
++++++++++++++
اهلين بولطيف
صدقت والله
كان تقاعس مني شوي
بس اعتبارا من الليلة باذن الله بعوضها
جزاك الله خيرا على الدعوة الجميلة
مااقول بعدك الا اااامين
تحياتي
++++++++++++++++
أهلين قوقعة
فعلا قالولي بعض الاخوان اهم شئ النية
الله يعطينا على قد واكثر من نيتنا بعد
تسلمين على الكلمات المشجعة
تحياتي
++++++++++++++++
أهلين شمحوطة
النوم سلطان ،،، هذا مو اسم مسلسل خخخخ
نفس ما يحصل معاج حصل معي
بس بجاهد نفسي للتغلب على اي عادة سيئة تلهيني عن صلاة الفجر والقيام
بالنسبة الى الصحصحة بعد النوم
افضل حل انك تجابلين التلفزيون
انا ما ادوخ الا جدامه خخخخ
تحياتي
++++++++++++++
اهلين عبادي
كلامك صحيح جربتها من زمان ايام الجامعة
وشكلي بعيدها مرة ثانية
التوفيق للجميع باذن الله
تحياتي
انما الاعمال بالنيات و لكل امرء ما نوى شد حيلك و خلي الباقي على الرحمن
وعطني ولعه
لول
زين صرت تفهم بدلياتي
لووول
اي هذا مسلسلك اللي صار امس ههههه
ولا انا كله مجابله هاللاب توب مايتكسر كلش صاير تلفزيون حقي لان انا ماحب التلفزيون
وعسى الله يتقبل منك صلاتك ودعائك ان شاء الله
احنا انتخابات مسيدنا الفرعيه فازوا ربع الساعه 12 لما 2 بس عموما نخلص 1:20 تقريبا ..
الظاهر الشياب يشبون على الامام فيخلص بسرعه لوووووووووول
الله يعينا على طاعته وحسن عبادته ويتقبل منا ويرحمنا ويغفرلنا ويعفوا عنا :)
الفرض اولي من النافلة على الاقل لو قبل لا تنام ركعتين وعسي الله يجعل الخير بيمزانك
الا الانتخابات الفرعية وصلت المساجد؟
هلا طال عمرك ..
أنا عندي شروط المسيد اللي اصلي فيه ... ان يكون جوه زين .. وقراية الامام حلوه .. ويناسب وقتي ..
حق اللي عنده دوام احسن وقت اللي يبدي 12 .. هذا مناسب ..
عسا الله يتقبل :)
اهلين بالـ Boss
جزاك الله خيرا
وماراح اعطيك ولعة :)
صيام لا تنسى :)
أهلين مي
مرة ثانية
حياج الله وحاضرين للطيبين
تحياتي
اهلين شمحوطة مرة ثانية
امين يا رب العالمين
احسنلج من التلفزيون وخرابيطه
بس بعض الاحيان يحتاج الواحد تجديد
وراحة من طقطقة الكي بورد
والانتقال الى طقطقة الريموت خخخخ
تحياتي
اهلين بنت الكويت
نسيت اقولكم اني رحت حق مسيد نفس مواعيد مسيدكم وكل الامور تمام ولله الحمد
نقدر نقول ان هالمسجد متخصص للموظفين ههههه
تحياتي
اهلين مشاري
جزاك الله خير على المعلومة
ما دريت ان في كل مسجد هاليومين صاروا يسوون فرعيات هههههههه
الله يعيننا على طاعته
امين
تحياتي
اهلين مستر molok
أذكر السنة اللي طافت كان اكو مسيد
يبدأ القيام الساعة 11
رحتله مرة وحدة وما بغيت الا عمري من الزحمة
ماكو خشوع وحوسة
واضيف على نفس شروطك ان يكون مسجد مافيه زحمة غير طبيعية
تحياتي
إرسال تعليق