شركة الاتصالات السعودية في الكويت VIVA

كنت ناوي انزل موضوع عن الاعلان اللي تشوفونه أعلاه

وكنت بتسائل عن الشركة اللي مسوية الاعلان

وعن غباوة الجملة المكتوبة " تتمنى الدنيا تقرب؟ " يعني الدنيا بعيدة وانا ماادري

والا انا عايش في مكان مو بالدنيا ؟؟ ( أكيد بالموضوع تفصيل للمعنى بس انا فهمتها جذيه كيفكم :) )

المهــــــــم
اليوم بان المستور واخترب موضوعي هههههههههه

اللي بان هو شركة الاتصالات السعودية في الكويت أو كما نقول عنها ( الاتصالات الثالثة )

ما يحتاج ملاحظة التغطية الشاملة الكاملة لاعلانهم على الصفحات الاولى والاخيرة للجرايد الرئيسية بالكويت

احس انهم ما صدقوا استلموا فلوس الاكتتاب وفسفسوها على هالاعلان الضخم التكاليف

ملحفين الجريدة من راسها الى كرياسها خخخخخخخخ

برايكم شنو هو الهدف لهذا النزول القوي بالاعلان ؟؟

برأيي الشخصي والمتواضع هدفهم انهم يقولون: نحن هنا وقادمين للمنافسة بالكويت


بيني وبينكم انا مستانس لأنها بتزيد المنافسة والمستفيد الاول والاخير هو نحن



يعني شركة الاتصالات المتنقلة زين عروضها بالسعودية وخارج الكويت كلها افضل من عروضها بالكويت ( ماادري ليش النحاسة بالتخفيض على اسعار المكالمات والعروض الخاصة لأهل الكويت
ترى اهل الكويت هم من اسسوكي ياشركة الاتصالات المتنقلة يا شين اقصد زين


اما الوطنية للاتصالات فمو شادين حيلهم ولا ادائهم بالمستوى المطلوب لمنافسة زين


لأن زين ماكلة السوق على الوطنية بشكل واضح وخاصة بعد ما استلمت الشركة الادارة القطرية خقوا مرة وحدة



فنداء نوجه للاتصالات الثالثة :



تكفة كسري راس زيــن والوطنية وخلي المنافسة تحلو





نحتاج اسعار افضل


نحتاج خدمة تحويل نفس الرقم ما بين الشركات الثلاثة ( يعني انا خطي على زين اقدر انقله الى الاتصالات الثالثة بدون ما اغير رقمي)



نحتاج دقائق مجانية


والكثير من المميزات اللي نشوفها برة الكويت ولاقد شفناها عندنا



وبالتوفيق للجميع





اسم الشركة الحركي VIVA (لا يكون يصيرون حق الFIFA خخخخ)


بيني وبينكم على بالي ماركة كاكاو

تحياتي