من كل بستان زهرة

البارحة كنت في الافينيو ....





ولقيتهم افتتحوا قهوة جديدة اسمها نابكت Napket تكلم عنها الاخ مــــارك في احد الايام


واول ما شفتهم فاتحينها قلت بشكشكها كم صورة للزملاء والزميلات المدونين والمدونات





واول ما اخذت اول صورة ،،، ما وعيت الا ذاك الموظف اللي طالعلي من ماادري وين


يقولي : ممنووووووع التصوير بص بص ويقعد يأشر على برواز صغير محطوط على الكاونتر وفيه صورة ممنوع التصوير





شدعوة قلنا ديكوره حلو بس مو الى هذي الدرجة يعني اذا حاطين ثريتين كبار بالنص وخايفين احد يقلدهم ترى اكو نفسهم في مجمع الرحاب خخخخخ


يعني بهالحركة خسرني كزبون انا ورفيجي اللي كان معاي





عموما انا مامداني أشوف اي شئ عندهم بس كان واضح ان شغلهم مرتب وعندهم سوالف حلوة


مع انهم مو كفو اسويلهم دعاية بس إذا كان هناك فعل خطأ من شخص( مايسواش اي حاجة )لن يكون رد فعلي أن احكم على المحل





عموما هذا موقعهم الالكتروني اضغط هنـــــــــــــــا


وهذي الصورة اللي ما تهنيت فيها خخخخخخ





على فكرة كنت اقدر ادوس في بطن الموظف اللي طلعلي واعفسه جدام المحل ، بس صاحبي من زمان ما طلعت معاه وفشله اخرب الطلعة عشان صورة ==> شرايكم فيني وانا اظبط روحي واطلع منها ههههه











اي صح تذكرت اكو قهوة ثانية مقابل محل نابكت اسمها سواح ،، واضح انه إما بصبغة مصرية او لبنانية

وأيضا امس بالليل اكتشفت قناة فضائية اسمها طيور الجنة

وهي متخصصة للاطفال ولقيت لكم هالياهل المبلتع ( ماشاء الله عليه )

احسن من مذيعيننا كلهم ويحطهم كلهم تحت باطه الصغنونو :)

اعذروا سوء التصوير كنت نعسان ههههههه

عمرو زكي في صدارة هدافي الدوري الانجليزي

كفو والله
ماشاء الله تبارك الرحمن ،،، الى الاعلى باذن الله

.

.

تحياتي ,,,

.

.

.