والعفسة احداثا بالنسبة لي شخصيا
اقترحت بيني وبين نفسي ان اطلع قبل الناس كلها عشان محد يلوع جبدي بالطريج ولا ادوس بريك واحد ==> تحدي قوي ادري
بس الاصل اني اقلل عدد ضغطات البريك بسبب الزحمة
أصبحنا واصبح الملك لله رب العالمين
لا اله الا الله محمد رسول الله
وفعلا شديت الرحال وصرت اطلع كل يوم بالظلمة بعد صلاة الفجر مباشرة
ومن تأثيرات هالفزعة الصباحية اني صرت ارجع البيت وبس تصير الساعة 8:30 مساءا اقعد اطق اطوف
وعيني تزغلل ...
الشــــــــــــــــــاهد :)
وعند وصولي الى الديرة في احد هذه الايام الباكرة
حن على خاطري اتريق فلافل شرف وهو بكل تأكيد من افضل صانعين الفلافل بالكويت
المهم وانا واقف والا ذاك الشرطي اللي سيارته مكتوب عليها الأمن العام يقرب يمي ويتجاوزني
ويطق الرصيف جدامي ... وانا عيوني طلعت من مكانها ( مع اني مو مستغرب وايد لأنه هالسوالف مو غريبة عليهم )
ويخلي نص سيارته بالشارع والنص الثاني فوق الرصيف
اترك الحكم لكم في من يقومون بالعمل بحمايتنا وان يكونوا قدوة لنا في احترام قوانين المرور
-------------------------------------------------------------
ماهي منظمة عبس العالمية ؟؟
ووين صاير موقع فندق رامادا في الرقعي ؟؟
وشلون تصير الدعوة عامة لمنظمة عالمية
وين البريستيج بالدعوة اذا كانت عالمية خخخخخ
كل هالاسئلة بتعرفون الجواب عليها في الحلقة القادمة من الكابتن ماجــــد :)
تحياتي الساخرة
هناك ٤٢ تعليقًا:
على قعدتك من الصبح جان رحت سوق السمج و الجبره
شرف هذا من اشهر و اجود انواع الفلافل كواليتي
اهوه متعمد صافط جذي علشان نتعلم منه واذا احنه سويناها يخالفنه الحين عرفت ليش ؟
هذي المنظمه منتشره فيي انحاء العالم بس انته ماتدري
الصراحة جهاد الطلعة هالحزة لان احلي نومة بعد الصلاة
بس حجي أمن عام يعني شنو المزاج اللى نص السيارة وفوق ونصها تحت بس صج فضاوة ام حسين تطلع على المتندرين
وعاشت منظمة عبس العالمية
نام بكير.. تصحى بكير
وشوف الصحة كيف بتصير
.....
احسن طلعة قبل الزحمة
...
ليش مغطي رقم الدوريه
هذا يسمونه تستر على هتك عرض الرصيف
....
عبس نسبة لقبيلة بني عبس
ام
تدليع عباس
أنا على طول أطلع والدنيا ظلمة :) شعور لايوصف لا زحمة ولابطيخ
أول كنت قبل أكره شي اسمه نومة عصر بو ساعة ولاساعتين بس الحين انام ساعتين كافي وانام الساعة 12 تقريبا ومرتاح جدا من هذا النظام
الشرطة بالكويت عموما مابقى شي ما سووه بالديرة ومابقى احد ماصاد عليهم شي ويطالبون (الشرطة) ان حقوقهم تردهم وهيبتهم ترجع لهم
بالكويت هالشي صعب
الواسطة دام موجودة ماكو هيبة للشرطة
أحلى طلعة ورا الصلاة !!
أروح الجمعية 6:) وإذا شغل وزاري أو مراجعة مستشفى حكومي.. آخذ جرايدي أو كتاب وأنطر بالمصافط أو غرف الإنتظار لين يداومون :))
وسالفة الأمن هذي عادي أصلاً هم أكثر ناس يخالفون !!!
عِبس؟ ولا عُبس؟
منظمة عَبس العالمية.. للطناقر يمكن؟ هم تنفع تنمية اجتماعية !!
عرب بلا سوابق؟ برضو تنمية اجتماعية!!
:))
ناطرين التغطية !!
هالفلافل سمعت عنها بس ما شفتها ولا ذقتها لي يومك هذا ... وبعدين انا مااكل فلافل
الشاهــــــــــد:)
كابتن ماجد منو؟؟؟
شفت شلون
هذوله اللي بيحمونا
؟
يا زين شرف و يا لذ سندوتشة الفول
مشكلتي معاه أني ما أتريق و ما أيوع الا الساعه ١٠ و الساعه ١٠ حق شرف يكون
تووووووووووووولايت...لأن كلشي طاير و بيشطب
دعوة للجميع لخدة نشر المقالات على العالم وتبادل اللاعلانى
الحين الشرطه يقوبون التغييم ممنوع
وبعض الجيوب اللاند الدوريات مغيمه من الى اخر جامه
وبعدين ليش الوزاره ما تحط لهم اجهزة ابلوتوث لانه منظرهم يفضل واهم ما سكين التلفونات يرضعون
صج من قال الشرطه بالكويت مابقى شي ما سووه
بدلياتي قشره
يقوبون = يقولون
يفضل = يفشل
:)
@@ يمكن يوعان الشرطي حرام عليك ;q
رامادا الرقعي ورا المستشفى الي مره انت حطيت بوست عنه " مستشفى الأمومه "
خبره مكان دوامي ;q
أما الخيام إي والله لهم جم يوم يحطونهم وانا عبالي عرس لاني شفت بعارين بره رابطينهم أثاري السالفه منظمه :\
عيل ليش البعاريييييييييين ؟؟؟؟
واللي ما يقدر ياكل فلافل لانه فيه تكسر بالدم شيسوي؟؟ يكرهها احسن :(
على فكره
بعد الاستعانه بحجي قوقل
http://www.bani-3abs.com/inf/
لووووووووووووووووووووول
ترى موقعهم قزززززز
ههههههههههههه
ويه رجعتني لأيام
قبل الغزو تحديدا
منظمة عبس
هذي بقيادة دويله الاول
ما تعرفها
بس حلوة دعوة عامة للجمهور المشكله اي جمهور
KuWaIt MaStEr
قاعد تضغطني مع طيارتك انت :)
فعلا شرف من الاماكن المميزة في عالم الفلافل
اما الشرطي ففعلا خوش قدوة
والمنظمة والعلم عند الله
تصير حق تنظيم القاعدة بس على اسلوب سلمي خخخ
تحياتي
اهلين مشاري
انسى النومة بعد الفجر لأنها بتلخبط الحسابات في هذه الفترة من السنة
بالنسبة الى الامن العام
ترى صفته تدرس في مدارس تعليم القيادة
تحياتي
احلى نصيحة يا بولطيف
للنومة والطلعة
بس رقم الدورية موجود عندي اذا اكو احد عنده النية لمخالفته فيرجى مراسلتي لإعطائه الرقم ==> ناوي اداحر خخ
اما تفاصيل المنظمة انا خايف تصير حق منظمة التحرير بس خخخ
تحياتي
Frankom
احسن شئ تسويه فعلا
بس خوش سستم اللي ماشي عليه
وهو اللي كنت اسويه السنة الماضية وبرجع اطبقه الحين
اما شرطتنا
هم اول الناس يخالفون القانون
مع ان المفروض العكس
بس هذا يجرنا على نوعية الشباب اللي يدخلون سلك الشرطة والجيش والحرس الوطني ...... الله يستر عليهم ويهديهم
ويجعلهم قدوة صالحة لنا قولوا امين
تحياتي
Yin
حركاااااات ،، شغل عدل والله
بلا زحمة بلا عوار راس
فعلا توقيت ممتاز
شرايك نسوي حملة للدوام مبجر :)
الحملات ماشي سوقها هاليومين
للاسف لن يكون هناك تغطية لمنظمة عِبس ماادري عُبس :)
لأن السالفة ما تسوى ان نتعب نفسنا لهم .. والا شرايج !!؟
تحياتي
فلافل شرف
كابتن ماجد ورفيجه بسام
جونغر وسانشيرو ودوق فليد
الطيباوي وقيصر وHungry bunny
كلها اساطير بالاكل والمشاهدة
فرجاءا عدم التحرش فيهم والادعاء بعدم معرفتهم
تحياتي
abu eldestor
ومعولين عليهم بعد
الله يشفيهم بس
تحياتي
nanonano
اي والله يا زين شرف :)
خليها عشا احسنلج :)
تحياتي
هداف
شنو مادريت
الشرطة تجرب بنفسها عشان خايفة علينا نتعور من التجربة خخخخخ
تحياتي
هداف مرة ثانية
عادي البدليات متعودين عليها خخخ
تحياتي
بنت الكويت
همممممم اذا بتدخلينا بالامور العاطفية ترى حتى احنا ساعات نكون مستعيلين وورانا مصايب بس ايضا يخالفوننا
فما اكو احد احسن من احد
بالنسبة الى المنظمة
نسينا انك جاسوستنا هناك :) ههههاي
عطينا الاخبار اول باول
أما الجمال
فالظاهر فيها عانية ايضا خخ
تحياتي
ZooZ "3grbgr"
الله يشفي مرضانا ومرضى المسلمين جميعا
وعشان اشجعك ترى الفلافل مو زين ويسهل البطن
اما بني عبس طلعوا مو هينين والله
بس حلوة قززززز خخخ
تحياتي
أهلين خالد
اي صح بقيادة الدويلة
اكتشفتها من الموقع الموجود في رد
ZooZ "3grbgr
طلعوا منظمة ماهي هينة يا رجل خخخخ
الله يستر منهم بس
تحياتي
لوول انا موجود ترا ما ختفيت للحين
:)
يابوي على فلافل شرف ذكرتنا بايام الصبى لما كنا نطلع من البحر الفير ونروح نتريق عنده
والصباح رباح ياخوي اقعد الثبح واطلع على راحتك احسن من ما تطلع على اعصابك
اشجعك = اشجعج
شكراً ززيلاً
صج احلى فلالفل انا عندي مو بس بالكويت بالعالم ______> اشدعوه :)
و لدي دائما تعليق
الله يعينك مع امتحاناتك
بس حلوة ايام الصبى
لا يكون عمرك 79 بس خخخخ
والصباح رباح على قولتهم :)
تحياتي
اهلين زووز
لا تخافين ادري انك ست مش راجل
بس خطأ مطبعي :)
وشكرا ززيلا على قولتك ههههه ==> ادري خطأ مطبعي ايضا :)
تحياتي
om comment kuwait
حلوة بالعالم :) ....
بس فعلا فلافل بتاعت مزاج رايق :)
تحياتي
وااي ماشاء الله عليك .. انا عندي ارزم مليون بريك والا اقوم من الفير .. لووول .. وطبعا مطعم شرف مالا داعي اتكلم عنه اهو ابروحه يتكلم عن روحه من كثر ماهو لذييييذ .. وسالفه الشرطي مع سفطته الخطيره!!!! وبعدين ؟؟ نزل ويلا تنح ابمكانه ؟؟ مادري اشلون هذيل قدوتنا
السلام عليكم جميعاً
واحب ان أوضح لأخي الكريم صاحب المدونه هي منظمة عبس العالمية وليسّ منظمة عبُس العالميه
أولاً : كلمة عبس تعني عائلتنا الصغيره التي تطورت واصبحت قبيله وهي من نسل عنتر بن شداد والخلاف على تغير اسم عبس الى الرشيدي او الرشايده هو الحرب مع العثمانين ولأنا اعدادهم بدأت بتناقص بسبب المعارك التي ادت الى قتل اعداد كبيره من القبيله العبسيه
وقام العثمانين بقتل كل عبسي وحفاظا على ارواح العبسين اجتمع بهم احد الفرسان المحاربين وطلب منهم عدم ذكر عبسي لأي شخص الحفاظ على قوة القبيله من الانهيار وكان جبل رشيد قريب منهم وقال ان سئلوكم فقل رشيدي
وبعد المعارك الكثيره منهم من رحل الى
الكويت والسعوديه وقطر والاردن وسلطنة عمان ومصر وتونس والمغرب والسودان وليبيا وبعد تشتت دام مئات السنين تخللت فكرة اجماع ابناء القبيله تحت مظله واحده وهي منظمة عبس العالمية التي ترعا كل ابناء عمومته في كل انحاء العالم من بناء مساجد ومدارس وتوفير بعثات خارجيه لدراسه بالخارج وتوفير الحياه الكريمه للمحتاجين
وكانت تسمية المنظمه يليق بها للعدد الكبير المنتشر بدول العالم وفعلاً هي منظمة عالميه لنها جمعت العالم تحت مظله واحده تحت رعاية الشيخ جابر المبارك الذي أيد الفكره وقد تكفل برعايتها وتحت تشجيع صاحب السمو الذي يقدر ويشجع بصلة الرحم
عموماً انا كويتي رشيدي عبسي وأفتخر بأنتمائي لقبيله عريقه منتشره بأكثر من دوله وهذا شرف كبير على العراقه وأن لفقو البعض التهم مثل ماتفضلت بعُبس فأنك ستبقى أنسان تخطئ ونحن ناساً تسامح
ولك كل الشكر اخوك العبسي
شرف وما أدراك ما شرف
بس لو يحطون بطاط بالصمونة جان تطلع قمة
:)
gawga3a
أهلين
الحلو بموضوع القومةان الأيام الحاليةصلاة الفجر متأخر وقتها
فزلقة بطيحة :)
موضوع الشرطي
نزل جدامي يتمخطر شرى ريوقه ورجع السيارة ومشى ... أدري بتقولين حده قوي خخخ
تحياتي
ياهلا ومرحبا اخوي أحمد العرادة
والنعم فيك وبقبيلتك جميعا
ماشاء الله عليك نورتنا بشكل تفصيلي عن تاريخ العايلة
بس اعذرنا على نقدنا الخاص بالاعلان
لأن اسلوبه كان غريب وغير واضح وفتح المجال للتساؤلات
بالنسبة لكلامك اني لفقت التهم فمعاذ الله ان اكون قد لفقت التهم فالموضوع كله مزاح في مزاح وموضوع التشكيل كان موضع استفسار من الكل ( ارجع الى الردود السابقة )
واسم المنظمة يلفت الانظار
ودائما لدينا في المدونات تعليق على ما يلفت النظر
ولكن إن احسست ان الموضوع فيه مساس لكم فاقبل مني الاعتذار اخي الكريم
تحياتي
JiBLa CiTY
عادي كمل طريجك على محل نوارة براس العاير وزيادة حبتين
واخذ منهم البطاط واشبع مزاجك هههههه :)
تحياتي
اسلام عليكم
ونعم ولله بني عبس ارشايده
الله بالخير يا شباب
الله يعطيكم العافية على هالمدونة والكلام الجميل . ما قلة اخوي عبسي صحيح والمعلومات التي اوردها 100% والمنظمة هي منظمة اجتماعية بحته وليست سياسية .. فلا يوجد داعي للخوف
والكل يعرف ابناء الرشايدة ( بني عبس ) وكل اهل الكويت يقدرونهم فهم من اوائل القبائل بالكويت ودافعوا عنها في معارك كثيرة .. وتجمعنا مع العوائل الكويتية الكريمة مصاهرات وصدقة واحترام ... فنحن كويتين بالدرجة الاولي وبني عبس بدرجة موازية فلا يدعوا وجود هذه المنظمة اي تخوف منها وشكرا لكم جميعا
هلا أخوي ساخر
عذرا على اخذ الصورة
ماكنت أعرف مدونتك ولا جان دريت إنها منك
أحد المتابعين لدونتي هو الي ارسلي اياها
وأشكرك على سعة صدرك
وبالعافيه فلافل شرف
أخوك أبوفلان
إرسال تعليق