اللي يبي يعرف نهاية مسلسلات رمضان ( عيدكم مبارك العيد الثلاثاء)

+++++++++++++++++++++++++++++++++++++++++++++

تحديث

العيد غدا ( الثلاثاء 30/9/2008 ) باذن الله

عاد مهيئ نفسي ان بكرة عطلة ورمضان

الواحد ما وده يخلص هالشهر الكريم

اي صح موالعجيري قايل ان مستحيل رؤية الهلال اليوم !!!!!

شالسالفة ردينا على طير ياللي وبالاختلاف بابسط الامور

الله يهديهم

عيدكم مبـــــــــــارك وعساكم من عواده

تقبل الله طاعتكم ،،، والعيد هل هلاله

+++++++++++++++++++++++++++++++++++++++++++

استعدوووو

نهاية المسلسلات قربت يا جماعة الخير

واذا في احد منكم متابع اي مسلسل ولحد الحين ما عرف نهايته ابشركم

النهاية عندي لكل مسلسل ما عليكم الا انكم تذكرون اسم المسلسل لي وانا اعطيكم الجواب

تدرون شلون مالي خلق انطر وبقول لكم نهاية كل المسلسلات

==> لا يكون جهينة بس خخخخخ

الجواب عندي وانا بوهندي

• لاحظتوا ان على مدى مجموعة من الحلقات لأي مسلسل كان يعيدون نفس الحوارات ( وحدة تبكي وتندب حظها تطوف اربع حلقات يرجعون بنفس اللقطة الى الحين قاعدة تبكي ،، واحد يراقب نفس الشخص تطوف 6 حلقات الى الحين قاعد بالسيارة يلعب بحواجبه وتعابير ويهه يعني قاعد يعبر في المشهد ،، واحد مجابل اربع اطوف يفكر تطوف 3 حلقات والا صايد حشرة كانت على طوفة داره خخخخخ


• لازم في صدمة عاطفية عشان يستدرون عواطف الناس ( واحد من الابطال يموت )



• ولازم وبآخر اربع دقايق من الحلقة الاخيرة يحلون كل المشاكل العالقة واللي بدت من اول المسلسل لحد الحين



• كل مشاكل المجتمع السلبية (وخاصة اللي محد يدري عنها ونبهوا الناس عليها) يحلونها بآخر المسلسل واتحداكم اذا احد عرف ان معالجتهم لهذي السلبية بيكون بطريقة تخلي الناس يتبعونها



• بعض الاحيان بيسوون الموضوع مشوق ويخلون النهاية مالها نهاية ويخلون كل واحد من المشاهدين يرسم النهاية اللي تعجبه ==> اغبى من هالتفكير ما شفت ،، اذا الموضوع واقف على الخيال شحقه نطالعكم كل واحد يسوي مسلسله بروحه احسن ،،، على الاقل بكون راضي عن نفسي خخخخخخ




• مادريتوا ان في الديرة نقص مكياج ؟!!!!!! مخلصينه على ممثلاتنا الشبه كويتيات والمتلصقين بالكويتيات ( حنان دشتي وربعها شغالين تشخط بوجه خلق الله ،،، وياريت حلو بس بناتنا الله يهديهم تاخذهم السمعة والدعاية القوية لأي صالون )...




• كل هذا صوب والاوقات الخاصة لوضع المكياج في المسلسل ............ تلقون البطلة توها قاعدة من النوم ( تدرون شنو تكون لابسة دراعة سهرة ،،،، تدرون شنو اكو على ويهها ؟؟ Full Makeup وين المخرج العبيط خخخخخخ ،،،، بعدين يقولون احنى نعكس مشاكل وواقعية المجتمع الكويتي ،،، تكفة يا مدونات او احد عنده بنات في بيتهم .... في احد تعرفونه يحط فل ميك اب 24/7




• الا في احد متابع مسلسل الداية ( دعايته كسرت الدنيا قبل رمضان وبعدين لاحس ولاخبر ،،، الكلام كله صوب مسلسل التنديل ومدح فيه ،،، ماادري اذا احد عنده كلام ثاني )

الله يهديهم ويشفيهم بس ويخفون من هالتبرج ،، احلى شئ اذا المشهد مبكي ولازم تبجي هالممثلة تلقون المكياج يسيح ويصير مكان الدموع حفر مو حفرة وحدة لالالالا حفر خخخخخخ

ودي اشيد في المسلسلات الانيميشن هالسنة : بوقتادة وبونبيل ، والفريـــج وشعبية الكرتون فيهم افكار حلوة وجرأة في الطرح وردود افعال طبيعية تعكس الواقع بصورة جميلة مضحكة

قرب العيد يا ناس

تقبل الله طاعتكم وعيدكم مبارك

تقبلوا مني اجمل التحايا

اخوكم ساخر كويتي ...