الزحمة و المرور وتحويل الكويت الى مركز مالي

شرايكم بزحمة الكويت ؟؟؟

إذا بيتكم في منطقة ودوامكم عكس سير الزحمة فاحمدوا ربكم ألف مرة على هالنعمة


أما إذا دوامكم بالديرة مثل حالاتي فالله يعينكم ويعيني على الزحمة
واجباري علينا المرور على أحــد الطرق التالية



طريق الفحيحيل


طريق البحر ==> حق القزيزة


طريق الملك فهد

طريق الدائري الخامس

طريق الرياض ( اللي يمر بين كيفان والعديلية )

دواعيس شارع دمشق الى الديرة

أو طريق الجهراء

وأكيد مر عليكم واحد عبيط نفس اللي بالصورة







بس هل سألنا نفسنا ليش هالاشكال الغلط تسوي جذيه ؟؟
وليش خلقهم ضيق وما يستحملون الزحمة؟!؟ ،،
وليش يحسون نفسهم فوق الناس والعالم
وليش على بالهم انهم لازم ما ينتظرون في اي طابور كان ( من طابور الخباز الى طابور المقبرة الى طابور الجمعية ...الخ!!!! )
لايكون على بالهم انهم شعب الله المختار ؟؟ الله أعلم ......

ولتوضيح الفشخرة اللي عايشين فيها ربعنا اضرب لكم الامثلة لتكون خير برهان على مااقول:

نلاقيهم متأخرين ،،، ومسؤولينهم حالفين يمين يودونهم ورى الشمس اذا تأخروا مرة ثانية
او عندهم مواعيد مهمة بس رايحة عليهم نومة وبيلحق على الموعد
او بيلحق على البورصة تدرون ارباحها وايد عالية هاليومين ==> اي هين
شايفين نفسهم فوق البشر
شايفين ان عندهم نفوذ وسطوة ويقدرون يطلعون نفسهم من كل هفـوة ==> خوش سجع ماادري شلون طلع معاي
او اكو احد سانده سواء كان ابوه او عضو مجلس امة او وزير اي شخص عنده نفوذ

أرجع الى موضوع المرور ... ديرتنا انترست يا عالم
الشوارع نفسها والناس مو نفسهم
الاعداد زادت وهذا وضع عالمي

بس تخـــطيطـــنا الله بالخير
ويجعلنا نسأل سؤال مهم جدا
وزارة التخطيط سابقا والمجلس الاعلى للتخطيط حاليا شنو قاعدين يسوون ؟؟؟؟؟؟؟؟؟؟؟؟؟؟؟؟؟؟؟؟؟؟

واقدر اخصص اكثر واقول الادارة العامة للمرور شنو يسوون ؟؟ ما يشوفون عدد السيارات المتزايد
اي صح في إدارة عندنا بالشركة عندها معاملة معاهم دازينها من شهر 4/2008 لحد الحين ما دزوها لنا
وينها يا ترى ..... قالولنا تحت الدراسة ... عفية دراسة .... لو ماجستير كان خلصت ههههههه

فاصل ترفيهي ==> حرنا بالصيف من حقه ان يذوب اللي ما يذوب وهذي هي النتيجة :)














وبما اننا تطرقنا الى المشاكل
فلازم نقترح الحلول حتى يكون للمدونة فائدة

ماادري ليش معقدين الحلول فافضل حل لمشكلة الازدحام هو عمل قطار أو عمل ميترو
تذكرون المسرحية اللي فيها سعد الفرج يقول حط بشتك تحت ابطك اركب قطارك روح دوامك .... الخ

وقتها كانت فكرة الناس تضحك عليها

اما الحين واذا انتقلنا الى دبي فالجماعة أخذوا احلامنا وحولوها الى حقيقة فقد انتهوا من القطار اللي يمشي بامتداد شارع الشيخ زايد وناويين يفتتحونه نهاية السنة على ما اعتقد


وربعنا مازالوا ينتظرون موافقة مجلس الوزراء على ميترو الكويت ( مرفق خطته المقترحة )
يعني يبيله على ما يخلص اجراءات قرابة السنة او اكثر
و يحتاج 20 سنة ثانية بدون مبالغة للانتهاء منه ،،
للاسف الشديد ربعنا بس شاطرين بالتمني والاحلام وتعطيل الاشغال والمشاريع بسبب طمعهم
لا أعمم ولكن هم الاغلبية

.

.

.

آل تحويل الكويت الى مركز مالي آل

.

.

هذا ويهي ان تحولت

.

.

تحياتي

.