بتكلم اليوم عن رحلتي الى حولي وبالتحديد الى شارع العثمان والذي حلويات الطيباوي
منو فيكم يقدر يذم الطيباوي ؟؟ ،،، ترى ادوس في بطنه ههههههه
مااقدر اقاومه يا جماعة الخير
ساندويتش الفلافل عجيب
من ايام الدراسة وانا استانس على فلافلهم وعلى الكنافة بانواعها .... ماشاء الله
روووعة =-->شايف سعابيلكم ادري لأني انا قبلكم هههههههههه
كنت رايح عشان أشتري قطايف ،،، تدرون قطايف الطيباوي ما ينافسها الا قطايف البحصلي
ايضا لحد يتحداني ،،، ويعطيني مكان ثالث ترى اعصب وماادري شنو بسوي بعدين ههخخخخخ
المهــــــــــم
بقولكم خبر ماهو جديد عليكم
الدنيا كانت زحمة ومو طبيعية وخصوصا في شارع العثمان
المهم دخلت المحل والا امة محمد كلها داخل
والكل واصلة معاه وضاربة فيوزاته
وكل 5 دقايق طامر واحد معصب ويزف اللي يشتغلون
واللي يشتغلون ذابوا من الحر والرطوبة
خاصة ان الباب مفتوح
والمروحة اللي كانت تهويهم ومن كثر الزحمة شالوها وقطوها بالخلف
عموما
شوفوا معاي ماكينة صناعة القطايف
اكو وحدة يدوية وهي الواضحة بالسخان اللي بالقرب مني
والبعيدة هي المكينة اللي تصب القطايف
شوفوا الزحمة
زحمة يا دنيا زحمة
يا كثر الناس
وكثر الحر
الصبر يا نااااس
هدوا اعصابكم
الكل بياخذ اكله وطلبيته
شوفوا معاي صدر الكنافة الموضح أدناه
شكله يشوق صح
شوفو صدر الكنافة من زاوية اخرى
يم يم يم
سعابيل
وزادت السعابيل
هانت كلها سويعات ونهجم عليها
لما صورت شعار الطيباوي ( الظاهر بالصورة اللي تحت )
خزني ولد عمره تقريبا شئ وتعش يعني تينيجر يعني مراهق
وقعد يضحك علي فضحكت معاه وقلت له الجوع وما يسوي لا تضحك علي ههههههههه
وبعد ما خلصت طلبيتي
حركت السيارة والا الشارع فوووول مرة ثانية ( لاحظوا الصورة السفلية )
استعنت بالله أولا
وبصبر ايوب ثانيا
الى ان طلعت من شارع العثمان
وما ادري شلون فضت الدنيا وصار صخة
وما ادري شلون فضت الدنيا وصار صخة
ونااااااااسة شوارعنا مافيها احد
الا ما رحم ربي
ورجعت البيت هلكااااااااااان
وللاسف الشديد وبعد هالتعب
كليت الكنافة باردة !!! @@##$$%%
والقطايف تم تأجيلها الى بكرة باذن الله خخخخخ
يالله عشان تتفضلون معاي
والى مغامرة جديدة باذن الله
سلملم
.
هناك ٤٠ تعليقًا:
يــــــم يــــــــم
احـــب الكنـــافه
بذبحك ترا .. بروحي طايحتله قطايف وكحلى
را ابجي
مقاطعه لكل الحلويات من باجر
لوووووووول
اقول
طوف بدلياتي
مالي خلق اصلح شي
لوووووووووووووول
ياخوي تدري انا شنو متنسي بكنافه افففف بس المشكله سالفة روح اشترلك هذي يبيلها قلب
بالعافيه عليك ولا تنسانا بالقطايف عاد
صحن ورق العنب ما يطلع الا اذا شفت صحن قطايف جدامي
:)
لووووووول بالعافية عليك
نفس وضعي امس رحت أشتري لقيمات لأن من زحمه الشغل بالمطبخ ماسووا
اكو محل بخيطان اسمه حلويات عواشه مدعوس مادري وين وحتى لو عندك ماجلان ماتوصل له لووووووول يوم وصلت ولا العالم تقطع بعض وشارع ضيج وزحمه والناس من الزحمه ناطره بره
انا شفت جذي ماثنيتها شلت عمري وقلت لهم ماكو خلصت اللقيمات المره اليايه سوو لوووووووووول :q
جرب كنافة الكنفاني .. اخذها هذي شسمونها قول معاي الي اتكون بنية آآآآ نسيت مو راضيي ايي على بالي اسمها بين نارين اييي اييي
cشخبااااااااااااري الطيباوي
والله حدك عتيج هههههه
عليك بألف عافية والله
اهم شي انك بهالزحمة قاعد تصور الوضع ومحد داري عنك كلش هههه
وبعدين تعاااااااال طلعت فاطر اليوم هااا!!!
شلون توصل البيت وتاكل الكنافة باردة؟ هذا اكبر دليل على انك فاطر
معاذ شالله حادك رايح حق حلويات عواشة بنفسك؟ جان اتصلت عليهم وقتلهم اييبونه لك البيت بس اتصل عليهم مبجر يعني اذا تبيه الساعة 3 او 6 اتصل عليهم من ال 12 هذا بس برمضان لان الدوس كله عليه وعشان يوصلونه لك بوقته
الكنافجي احله
أهلين مي
دنا غلبااااان
ترى على هالحوسة لشراء القطايف والكنافة
ما كيتهم عدل
بطلع حرتي اليوم
خلينا نرفع شعار يوم حلى ويوم مو حلى عشان لا ندمن قطايف وحلويات
تحياتي
اهلين مرة ثانية مي
لو تشوفين ويهي وانا افكك الغاز البدليات خخخخخ
عادي مووش موووشكلا
تحياتي
اهلين دوكاتي
تقول متنسي ،، لايكون حامل واحنا ما ندري خخخخخ
اي والله الكنافة مزاج
وبيني وبينك تحتاج تتعنى بعض الاحيان
او تقدر اذا كان الطلب لمجموعة كبيرة
ان تطلب صدر كنافة كبير ويجيبونه الى البيت
ولا يهمك صحن القطايف نرزه جدامك
بس عشان تعطينا ورق عنب ههههه
تحياتي
اهلين عبادي
بين نارين حلوة صحيح
بس لا تطغى على الكنافة الاصلية الطيباوية
تحياتي
على فكرة النسيان مو منك من اليوع خخخخ
تحياتي
اهلين شمحوطة
الله يعافيج يا رب
شخباري انتي !! ،، اطيب كنافة في الكويت
وتقولين شخباري الطيباوي ععع==> عصب
لو تشوفيني شلون اصور
احس روحي كنت حرامي خخخخ
تعليقك كله اتهامات اليوم
شالسالفة !!! ضغطوني اكثثثثثر ههههه
لاحظي التسلسل الزمني ياشمحوطة
العصر شريت الكنافة
وبعد المغرب ذقتها
وماكانت مسخنة عدل فاخترب الطعم
المفروض كانت تنحط في السخان
او انساها بالسيارة بهالحر والرطوبة هههه
تحياتي
معاااذ اهلين
اخذت جوازك لما دخلت خيطان ؟
ترى الصعايدة سيطروا عليها :)
وبخصوص الزحمة بهالطريقة
عطهم طااااف واللي مشتهي يروح المطعم ياكل هناك أو اطلب ديليفيري مثل ما قالتلك شمحوطة
تحياتي
اهلين الجوري
انا احبه بعد
بس لا يقارن مع الطيباوي
لأن بعض الاحيان الكنافنجي تكون كنافته مجمدة ومو فريش
اسألي مجرب وخبرة بالكنافات بالكويت :)
تحياتي
شمحوطه
دقيت عليهم بس حده مشغول مالج امل احد يرد :q
ساخر
يامعود انا زين طلعت بهدومي بس من صجك :)
صج
عيل كل ماتيي تقرا لي بدليه .. صورلي ويهك بليز
لووووووووووووووووول
مادري شفيني على البدليات
لول
ساخر ضحكتني والله
انا اصلا احب كنافة الطيباوي بس من زماااااااااااااان مو ماكله منها عشان جذي اقولك شخباري هههههه
وبعدين مالي شغل بالصور وانت راد البيت يبين انه العصر فانت قلت رديت البيت كليتها ولا اهيا باردة هذا كلامك مو كلامي انا ههههههه
معاذ اتصل عالنقال اللي اهوا 9355865 جوود يرد عليك هههه
اويلي على اكل الطيباوي
وكنافه الطيباوي
وقطايف الطيباوي
اويحااا
:P
انا اقولك قطايف تصك على اكبر مطعم
قطايف امي
اويلييي
اكلهم بروحهم فطور
تعجبني
فايق ورايق
بالزحمة وانت طايح له تصوير
نبي الحلقة الثانية
قطايف الطيباوي
والف عافية
مرة ثانية سو مثلي
قبل رمضان بيوم اكل صينية كنافة كاملة
تزهق الكنافة ليما عيد الضحية
وااااااااي شوقتني ...
انا الصراحه الطيباوي ما يطيح هذا
كنافته عجيبه و اشتهيت قطايف امبييييييه
شكرا شكرا شكرا عالتشويق =))))
ليش بشهر رمضان الناس ماتسولف إلا عن الأكل ؟؟؟؟؟
انا صج يعت :(
بالعافية .. ياخي كنافة الطيباوي صج لذيذه .. شوقتني شكلي بروح اليوم :)
القطايف واللقيمات مافي على شغل البيت ..
عليكم بالعافية ولاتشوقونا ترى صيام :)
تصدق عاد.. ماذكر اني كليت منه.
بس شفت بالصورة لوحة لمحل الوالي.. الوالي كله امرة اخذ منه شورما قبل ماروح قهوتي (:
وعلى فكرة ماحب القطايف وكنافتي من كنفاني بس
بس امانة لاتدوس ببطني ترى ضعيف وبسرعة انكسر D-;
أهلين مي مرة ثالثة :)
قاعد اقرأ ردي على بعض البلوقر والظاهر ان شكلي قمت اقط بدليات بعد
تاثير اليوع الظاهر
تحياتي
اهلين شمحوطة
خلاص سماح :)
لاتخافين ترى روحي رياضية :)
تحياتي لمرورك المميز دائما
الله يخليلج الوالدة ويديم عليها الصحة والعافية
شغل البيت محد يقدر يتكلم عليه
عاد ناطرين تعزميننا على غبقة :)
وشكرا على تشجيع اكل الطيباوي فعلا اكله لذيذ بس عندهم عرات يخورونه
بس هذي حالات نادرة
تحياتي
بولطيف
يا هلا ومرحبا
ايضا عجبتني لتشجيعك الطيباوي
بعض الاحيان اروح أتعشى عندهم
قعدة شعبية طعم الاكل عندهم شئ ثاني
بس يا معود صينية كاملة
اخاف يصير فيني شئ
مو زين
وخلي الموضوع قطاعي احسن
تحياتي
برونزية اهلين
تعجبيني واتي من معجبين الطيباوي
بالعافية مقدما
تحياتي
اهلين انت وزوجتك معا :)
نحش بالأكل لأن يواعى ومشافيح اكل
ليش تروح بعيد
دخلوا الجمعيات التعاونية
اي مكان يبيعون اكل
الصور اللي ارفقتها اوضح دليل
والله يعين الجميع
تحياتي
اهلين مولوك
حياك الله يا الغالي
شغل البيت لا يطغى عليه
اذا الكل يشهد عليه مو بس انت بروحك ههههههههههه
يالله حياك عازمك على الطيباوي
بس ماراح ااكل حلى وبحول على المالح
تخفيفا للحلى
تحيااتي
يعقوبووو
تشاهد على نفسك
لأن ردك ما عجبني ==> صدام مأثر علي خخخخخ
وبما انك قلت الوالي
فانصحك بشاورما الديط الرومي
او محل اسمه كويتانا في شارع خالد بن الوليد بالديرة
عندهم خوش شاورما
اما الوالي فشغله عادي
اعرف احبط صح هههه
بالعافية اي شئ تشتهيه
والناس اذواق
بس هم بطقك خخخخ
تحياتي
لوول
عليك بالعافية
و
مبارك عليك الشهر
حدك شوقتني عالكنافه .. مره ثانيه اعزمنه الله يخليك :) مو بس اتشهينه .
مبارك عليك الشهر :)
والحمدلله ياربي اني لا أحب الكنافه ولا القطايف ومفتكه من هالشقى الي انت كنت فيه ;a
أهلين هامورة
علينا وعليج يا رب
وتقبل الله طاعتج
اهلين قوقعة
حاضرين للطيبين
غالي والطلب رخيص
شلون تبين ادزلك الكنافة؟
على الفاكس والا بالايميل ههههههه
تحياتي
أهلين بنت الكويت
لا شقى ولاهم يحزنون
كنت مستانس صراحة ==> عن الصواريخ بس ههههه رطوبة وخيسة وتقول مستانس
الصراحة شوي مستانس بس :)
تحياتي
احلى شي بالدنيا
تشتهي شي
ويكون بخاطرك
وتروح وتاخذه
واسعد لحظة بالدنيا
لما تاكله
قمة السعاده
:)))
عليك بالعاااااافيه
وتقبل الله صيامك
مير هالصيام خلانا نمشي ونتشهى بهالاكل كل يوم بخاطرنا شي
الله يمشي هالشهر على خير
:)
أهلين اخت استكانة
اي والله صدقتي
وهذي من نعم الله سبحانه وتعالى
فيجب ان نشكره سبحانه وتعالى ليلا نهارا على انعامه التي لا تعد ولا تحصى
تدرين ليش نتشهى اكثر بهالسنة
لأن النهار طويل
الله يعيننا على السنوات القادمة
شكرا لاضافتك المميزة
تحياتي
إرسال تعليق