في المسجد والجمعية يوم الجمعة

طبعا ما شفتوه بالاعلى ما يحتاج تعليق

بس بنتقل معاكم الى الجمعية التعاونية بعد صلاة الجمعة

وكأن الحملة الغذائية الشرسة اللي صارت قبل وخلال اول ايام الشهر الفضيل ماكانت كافية فعندما دخلت جمعيتنا اليوم اشوف الناس مغيبين ولسان حالهم يقول

أكل

إلحق على الاكل ???

يا معودين لا تاكلون الاوادم بس

في بعض الأرفف فاضية على اعتبار انها من بضائع رمضان فعلى سبيل المثال رف الفيمتوووو قاضين عليه الناس هههههه بس الجمعية جزاهم الله خير عارفين ان الناس مشفوحين فيمتوا فشغالين ينقلون من المخازن الى الارفف
اي صح تذكرت ..... ماادري ليش العربانات محذفة بين الارفف فكل واحد قاط عربانته وسرحان في الرف اللي واقف فيه

( يعني من اتيكيت استعمال عربانة الجمعية اذا تركتها وذهبت الى الرف تحطها في مكان مناسب ما يعارض طريق احد )

تخيلوا كنت قاعد امشي بحالي مالي ولا علي بعربانتي ماشوف الا ذيج العربانة اللي نايمة على عربانتي وطراااخ داعمتني حجية الله يهديج عسى ماشر ؟لا يكون حالة طوارئ وبتلحقين على البيت لا يحترق

طبعا ما قلت لها هالشئ بس لما التفت عليها سوت نفسها مالها شغل وقعدت تطالع السقف يعني مو انا خخخخخ

بيني وبينكم عندها حالة طوارئ ولكنها من اليوع والعياذ بالله

اي صح
نسيت اقول لكم انهم افتحوا محل جديد داخل الجمعية ( جمعية مشرف )
وهو متخصص في سوالف الفستق والجوز المغطى بالكاكاو واللزي منوووو

حبيت اذكر الخبر كسبق صحفي لا غير :)

اليكم بعض الصور

.

.

.

تحياتي

.