تحديث
اثناء كتابتي للبوست
الجو قلب غبااااااااااااااااااار وعجااااااااااااج وهواء قوي
اللهم إني أسألك خير هذه الرياح وأعوذ بك من شرها
رمضان 2008
لاحظتوا الرطوبة الفترة الحالية !!!!!!!
عفوا ما اعتقد انكم لاحظتوا ......!!!!!! الا ملابسكم تشهد وتبصم بمليون قطرة وقطرة
سبحان الله
عادة ً الرطوبة ..... اذا طولت ما تكون اكثر من اسبوع
بس هالسنة غييير صكينا الشهر ومستمرين فيها مع لفحات من الغبار والعجاج
وعلى الرغم بانها تضايقنا ومخليتنا نتأفف من الخيسة وتخلينا نصرف ماي للتسبح دبل الايام العادية ( الله يعين ترشيد علينا خخخخخ ) ومضايقة اللي عندهم ضيق بالتنفس والربو
بس سبحان الله لازم بالموضوع حكمة وما تبين الا بعدين ،، شلون ؟؟ انا اقول لكم
ناخذ الجانب الايجابي الاول وهو باذن الله تعالى الشتاء في الموسم الياي بيكون ماطر وبيروي ظمئنا بعد عجاف السنة الماضية
الايجابية الثانية
الرطوبة زينة للمزروعات والاشجار والنخل
وأخص بالذكر ( الخلال )وهو التمر قبل ان ينضج كما هو في الصورة ادناه
ومع الرطوبة بهالفترة يتحول وبشكل سريع الى منصف ( المنصف : نصف لم ينضج ونصف قد نضج) يا سلالالالالالام احلى شئ اذا كان منصف والاحلى اذا كان برحي ايضا يم يم عجيب
ومن بعده على طوووول رطب ناضج النمو ..... واحنا ما نصدق نشوفه استوى فنعمل فيه العمايل في البيت
ايجابية ثالثة
وهي اذا كنتوا توكم راجعين من الدوامات او من اي مشوار واخص بالذكر فترة القايلة
ومع ازدياد الرطوبة تزيد برودة المكيفات في البيت ويتحول الجو من براد الى ثلج
وما يحلى بهالوقت الا ذيج النوووومة العجيبة ههههههههههاااي
شكرا يا مخترع المكيف رحمت فيه امة كاملة
تحياتي
معلومة : شفتوا احد ما يحب التشريبة ؟؟؟؟؟
الجواب : ساخر كويتي ...
هناك ٢٨ تعليقًا:
Great posting!!!
Congratulations!!!
بن سانتوس ذبحنا بكل مكان قاط ويهه ولا يدري شنو السالفه :q
اقول ساخر شفت الجو بره :)
انت من قلت رطوبه قلب الجو غبااااار لووووول :q
شالي بينك وبين التشريبه ؟؟!!
سانتوس
الله يهديك للاسلام
حياك الله
معاااذ يا هلا فيك
سانتوس حاب يتعرف الظاهر ههههه
اشوا اني قلت رطوبة وغبار خخخخ
بيني وبين التشريبة كل خير
بس مو من شلة الهرم الغذائي الخاص فيني :)
تحياتي
خوش شي معلومة الثانية يديدة عليي
التشريبة ولا مره ضقتها او ضايقها بس ما ادري انها هذي تشريبة :P
موضوع جميل ..
حقيقة الرطوبة في هذة الفترة تبشر بشتاء ممطر هذة حقيقة علمية بس ان شاءالله يكون خير علينا ولا تصير سنة ناشفة :)
فايدة ثانية للرطوبة ماذكرتها
المعروف عن الرطوبة انها تعمل على خفض درجات الحرارة و تخفف من أشعة الشمس اللي تسقط علينا وهذي الفايدة مايحس فيها الا الموظفين اللي يكدحون بنهار رمضان والله يساعدهم ويساعدنا وياجرهم وياجرنا معاهم..
معلومة : شفت احد مايحب ياكل الخلال؟
الجواب : انا :)
ودمتم بخير وسلام
الي اخترع التكييف باذن الله باذن الله بيدش الينه من كثر ما ندعيله
وهالرطوبه هالسنه شقتنا .. بس احلى شي الغشمره الي سواها الجو قبل شوي وعطانا ذاك الغبار الفجاه لوول
لا مو بس غبار غبار وهوى يعني عوافييير
بس بالنسبه حق التشريبه اسمحلي اقولك ما عندك سالفه
p;
يا أخي رطوبة الكويت ولا رطوبة البحرين .. انا الله بلاني بشغل هناك وظقت الويل هناك .
بس الله يهني بالرطب وخاصة المنوصف .
شهيتني على الرطب ، شكلي بروح آكل الحين
شنو هالجو
غبار ورطوبه
حاله كسيفه
استغفرالله لاعت جبودنا من هالرطوبه ..
الساعه 9 طلعت من البيت اخترعت من الجو ما اشوف السياره الي جدامي من الضباب :|
للتاريخ فقط...
ترا ما اعرف شنو التشريبه ولا ذقتها بس شفت لها صورة مرة و ما يازاتلي!
انا دايمااقول حق اللي يتأففون من الرطوبة ان الله سبحانه وتعالى راحمنا بهالرطوبة بشهر رمضان وهذي من رحمته على عباده ولو ماكان في رطوبة جان احنا الحين نلهث مثل الجلابة الله يعزك ويعز السامعين والقارئين من هالحر لما نطلع من دواماتنا ولما نبي نقضي شوية شغل
فأنا اقول الحمدالله والشكر ان في رطوبة لانها تخفف علينا وتخفف من حرارة الجو وترى هم الغبار يخفف من حراره الجو وهالشي جربته ايام الدوامات الشهرين اللي طافوا يوم هل علينا الغبار عدل بس الحين انا ماخذه اجازة فماجربت الرطوبة الصبح
وترى انا ماحب الخلال والرطب مع انه عندنا شيرة بس سبحان الله ماحب اكله ولا احب ريحته بس الوحيد اللي احبه اهوا تمر الاخلاص والسري غيره ما اكل
وبوفاد التشريبة اهيا عبارة عن خبز ارقاق يعني خبز خفيف خفيف وايد يتكسر بسرعة ويسوونه على التاوه يحطونه بماعون ويصبون عليه مرق خضرة او مرق لحم فهالخبز يتشرب هالمرقة عشان جذي يسمونها تشريبة لانها تتشرب المرقة والصراحة حدها عجيييبة
وان شاء الله فهمت شرحي ههههه
ساخر طيعني وجرب التشريبة ترى راح اتين عليها
انا شفت الجو امس رطوبة دشيت تفطرت طلعت غبار
جان اسوي ظاهرة احتباس بيتي ما طلعت
الله ياجرنا على هالجو والحمدالله التكييف شغال ما خونوا وزارة الكهرباء
انا ما اعطي اهتمام للتشريبه...
يعني برمضان اكلها مرة وحدة.. كافي
-
الرطوبة شي حلو..
اتذكر أيام الخوالي بتايلند ((:
والله صدقت فيها احلى ما في السالفة المكيف
والي يبي يسوي رجيم يروح الممشى بالرطوبه
:) عندنا شكثر منهم برميثيه
اي عاد صاحبي ساد سمايل نفس الشي ما يحب التشريب ولا يواطنه مع حلو ما في شي
ساخر ..
انا عندي الرطوبه ولا الحر او الغبار ..
بعدين ميزة التكيف بالرطوبة متعني :)
والمنصف صج شي لذيذ ..
انا بعد مااحب التشريبه
موفق
أهلين عبادي
احلى شئ انك ضايقها وماتدري انها تشريبة هههههههه
بالعافية ان شاءالله
تحياتي
اهلين بالفجأة
الله يرزقنا امطار الخير باذن الله
اتفق معاك على انخفاض الحرارة من الرطوبة
بس بالنسبة لي شخصيا
عندي الحر الشديد ولا الرطوبة
بالنسبة الى الخلال اذا ما تاكله
اكل تمر عيل :)
تحياتي
غدووور اهلين
تدرين جونا دمه خفيف
دايما يعطينا مقالب هههههه
بالنسبة الى التشريبة و اذا سووها
بذوقها في البيت بس عشان يصير عندي سالفة :)
تحياتي
هلا بالمواطن
فعلا البحرين واالامارات
رطوبتهم غيــــــــــر
تنغص لي شوي رطب :)
بالعافية يا رب
تحياتي
اهلين مي
الله كريم
باذن الله التعويض بيكون بفصل شتاء جميل
تحياتي
اهلين بنت الكويت
الرطوبة حكمة من رب العالمين
فالله يسهل علينا ويعيننا عليها
يقولون يوم اليمعة بالليل بيتعدل الجو شوي
تحياتي
bavaud
الاخت شمحوطة كفت ووفت بالشرح لك
تحياتي لمرورك الكريم
اهلين شمحوطة
في البداية اشكر ردك الوافي
والتفسير التوضيحي لعمل التشريبة للأخ bavaud
ثانيا بالنسبة الى الغبار
بالنسبة لي يخفف الحرارة اكثر من الرطوبة
أما الرطوبة ومع انخفاض درجة الحرارة بسببها بس تخلينا نعرق بشكل موطبيعي فالله يعيننا عليها
واذا ما تحبين الخلال وهو شيرة عندكم
تكفة حوليه على بيتنا
ترى عندنا مدمنين تمر :)
تحياتي
اهلين مشاري
ظاهرة احتباس بيتي هههههههه
اعجبتني الجملة :)
جزى الله مخترع التكييف والكهرباء كل خير
تحياتي لمرورك مش مش ==> بسرعة طيح الميانة
اهلين يعقوبوو
يعجبني التوازن بالاكل ههههه
الا تعال شنو كنت تسوي في ايامك الخوالي ==> احرجني اكثر
تحياتي
أهلين دوكاتي
مرة كنت اكلم مدرب رياضي
مااشوف الا أخذني بالعالي وقعد يقول عندكم هالرطوبة والحر
تراها احسن جو للرياضة ولتخسيس الوزن
وانا اقول بنفسي من صجه هذا
حاولت انفذ نصيحته انسدحت سنة في البيت مالي خلق العب رياضة خخخخخ
سلملي على سادسمايل
تحياتي
molok
انا عكسك الحر افضل عندي
بس اوافقك بموضوع التشريبة :)
تحياتي يا الغالي
إرسال تعليق